Sunday, September 14, 2025

Qudayǵa, yaǵnıy Iyemiz Iysa Masiyxtıń Ákesine alǵıslar bolsın! Ol bizlerdiń rehimli Ákemiz hám tolıq jubanısh beriwshi Quday. Quday bizlerge barlıq qıyınshılıqlarımızda jubanısh beredi. Solay etip, bizler de Qudaydan alǵan jubanısh penen hár qıylı qıyınshılıqlarda bolǵan adamlarǵa jubanısh bere alamız.

2 Korinfliler 1:3-4

Kóktegi úyińnen tawlardı suwǵarasań, Jer júzi islerińniń miywesinen toyadı. Mallardı shópler menen támiyinleyseń, Adamlar miynet penen azıǵın alsın dep, Jerge eginler ósireseń.

Zabur 103:13-14

Ana balasın jubatqanday, Men sizlerdi jubataman. Sizler Erusalimde jubanısh tabasız».

Iyshaya 66:13

Barlıq ǵam-táshiwishlerińizdi Oǵan tapsırıńlar. Óytkeni Ol sizlerge ǵamxorlıq qıladı.

1 Petr 5:7

But you, Lord, are a merciful and gracious God, slow to anger, and abundant in loving kindness and truth.

Psalms 86:15

Men Ákemnen sorayman hám Ol sizler menen máńgi birge bolıwı ushın basqa Jaqlawshını jiberedi. Ol – Haqıyqat Ruwxı. Dúnya Onı qabıl ete almaydı. Óytkeni Onı kórmeydi de, tanımaydı da. Biraq sizler Onı bilesizler. Sebebi Ol sizler menen birge jasaydı, Ol ishińizde boladı.

Yuxan 14:16-17

Sonıń menen birge, Muxaddes Ruwx ta hálsiz bolǵan bizlerge járdem beredi. Óytkeni bizler qalay duwa etiw kerekligin bilmeymiz. Biraq, Muxaddes Ruwxtıń Ózi sóz benen aytıp jetkize almaytuǵın dárejede nala shegip, bizler ushın Qudaydan ótinish etedi.

Rimliler 8:26

Quday olardıń barlıq kóz jasların súrtip taslaydı. Endi ólim de, qayǵı da, jılaw da, azap ta bolmaydı. Óytkeni burınǵılar ótip ketti».

Ayan 21:4