Kúndelik Jarıq
Sonda gúna sizlerdiń ústińizden húkimdarlıq etpeydi. Óytkeni sizler nızamnıń biyligi astında emes, al Qudaydıń miyriminiń biyligi astında jasaysız. Olay bolsa, ne deyik? Nızamnıń biyligi astında emes, al Qudaydıń miyriminiń biyligi astında jasap atırǵanımız sebepli gúna isley bereyik pe? Hesh qashan!
Rimliler 6:14-15
Sol sıyaqlı, tuwısqanlarım, sizler de Basqaǵa, yaǵnıy ólimnen qayta tirilgen Masiyxqa tiyisli bolıwıńız ushın, Masiyxtıń denesiniń atanaq aǵashta ólgeni arqalı Muxaddes Nızam aldında ólgensiz. Bul hámmemizdiń Qudayǵa xızmet etip, jemis beriwimiz ushın boldı.
Rimliler 7:4
Nızamǵa jat bolǵan basqa milletlerdi Masiyxqa alıp keliw ushın, men olarǵa Nızamǵa jat adamday boldım. Biraq, men Qudaydıń Nızamına jat adam emespen, óytkeni men Masiyxtıń Nızamınıń qol astındaman.
1 Korinfliler 9:21
Ólimniń uwlı iynesi – gúna. Gúna óz kúshin Muxaddes Nızamnan aladı. Biraq, Qudayǵa shúkirler bolsın! Ol bizlerdi Iyemiz Iysa Masiyx arqalı jeńiske eristire beredi.
1 Korinfliler 15:56-57
Sebebi Masiyx Iysa arqalı ómir beretuǵın Muxaddes Ruwxtıń nızamı meni gúnanıń hám ólimniń nızamınan azat qıldı.
Rimliler 8:2
Iysa olarǵa juwap berip bılay dedi: – Sizlerge shının, haqıyqatın aytaman: gúna isleytuǵın hár bir adam – gúnanıń qulı.
Yuxan 8:34
Sonlıqtan eger Ul sizlerdi azat qılsa, haqıyqattan azat bolasızlar.
Yuxan 8:36
Masiyx bizlerdi erkin ómir súriwimiz ushın azat qıldı. Sonlıqtan bekkem turıńlar, ózlerińizge qaytadan qullıq moyıntırıǵın salıwǵa jol qoymańlar.
Galatiyalılar 5:1
Mukaddes Kitap úzindileri Daily Light on the Daily Path kitabıńan (jámiyetlik múlk).
Sep 14, 2025
Isaiah 51:12
Sep 13, 2025
John 7:37
Sep 12, 2025
Isaiah 57:18
Sep 11, 2025
Romans 12:2
Sep 10, 2025
Jeremiah 32:9
Sep 9, 2025
Luke 1:53
Sep 8, 2025
Daniel 5:27
