Friday, May 2, 2025

Sebebi qay jerde eki yamasa úsh adam Meniń atım menen jıynalsa, Men olar menen birgemen.

Matta 18:20

Meniń sizlerge buyırǵanlarımnıń hámmesin orınlawdı olarǵa úyretińler. Minekey, Men dúnyanıń aqırına deyin hámme waqıt sizler menen birge bolaman! – dedi.

Matta 28:20

Jaratqan Iye Muwsaǵa: – Ózim Seniń menen birge baraman hám seni tınıshlıqqa eristiremen, – dedi.

Shıǵıw 33:14

Jaratqan Iye, Saǵan bılay dep aytaman: «Qudayım – Senseń, Jalbarınıwıma qulaq sal, Jaratqan Iye. Quday Iye, qúdiretli qutqarıwshım, Sawash kúni Sen basımdı aman saqladıń.

Zabur 139:7-8

Men tek jaqın jerde ǵana Quday bolıp, Alısta Quday emespen be? – deydi Jaratqan Iye. – Qupıya jerge jasırınǵandı, Meni kórmeydi dep oylaysız ba? – deydi Jaratqan Iye. – Aspan menen jerdi Men toltırmayman ba? – deydi Jaratqan Iye.

Eremiya 23:23-24

Írasında da, Quday jer betinde jasar ma edi? Sen kóklerge, kóklerdiń kóklerine de sıymaysań. Onıń aldında men qurǵan mına Úy ne bolıptı?!

3 Patshalar 8:27

Biyik hám bálent Bolǵan, Máńgi jasaytuǵın, Atı Muxaddes Bolǵan bılay deydi: «Men biyik, muxaddes jerde jasayman, Sonday bolsa da, ruwxı túskenlerdiń ruwxın kóteriw, Ezilgenlerdiń júregin janlandırıw ushın, Ezilgenler hám ruwxı túskenler menen birgemen.

Iyshaya 57:15

Qudaydıń ibadatxanası menen butlar arasında qanday birlik bolıwı múmkin? Hesh qanday! Sebebi bizler tiri Qudaydıń ibadatxanasımız. Quday bılay deydi: «Men olar arasında jasap, Olar arasında júretuǵın bolaman». «Men olardıń Qudayı bolaman, Olar Meniń xalqım boladı».

2 Korinfliler 6:16