Friday, April 25, 2025

Al Masiyxtıń gúnalarımızdı alıp taslaw ushın kelgenin bilesizler. Onıń Ózinde gúna joq.

1 Yuxan 3:5

Bizlerdiń gúna ushın ólip, haq bolıp jasawımız ushın, Ol gúnalarımızdı atanaq aǵashta Óz denesine júkledi. Onıń jaraqatları arqalı shıpa taptıńız.

1 Petr 2:24

Sonlıqtan Ol Ózi arqalı Qudayǵa kelgenlerdi pútkilley qutqaratuǵın kúshke iye. Sebebi Ol máńgige tiri bolıp, Qudaydan olar ushın ótinip soraydı.

Evreyler 7:25

Al ol bizlerdiń qılmıslarımız ushın jaraqatlandı, Bizlerdiń jınayatımız ushın azap shekti. Tınıshlıq alıwımız ushın beriletuǵın jazanı ol aldı, Onıń jaraları bizlerge shıpa berdi. Bizlerdiń hámmemiz qoylarday joldan adastıq, Hár birimiz óz jolımızdan kettik. Jaratqan Iye oǵan hámmemizdiń qılmısımızdı júkledi.

Iyshaya 53:5-6

hám dawam etip olarǵa bılay dedi: – Masiyx azap shegip, úshinshi kúni ólimnen qayta tiriledi, – dep te jazılǵan. – Erusalimnen baslap barlıq xalıqlarǵa Onıń atı menen táwbe etse, gúnalarınıń keshiriletuǵının járiyalaw tiyis.

Luka 24:46-47

Eger olay bolmaǵanda, dúnya jaratılǵannan baslap Masiyxtıń qayta-qayta azap shegiwi tiyis bolar edi. Biraq Masiyx Ózin qurban etip, gúnanı joq qılıw ushın, zamannıń aqırında tek bir mártebe jerge keldi.

Evreyler 9:26

Izraildıń táwbe etip, gúnalarınıń keshiriliwi ushın, Quday Onı Kósem hám Qutqarıwshı qılıp, Óziniń oń tárepine kóterdi.

Elshiler 5:31

Solay etip, tuwısqanlarım, mınanı bilip alıńlar: gúnalarıńızdıń usı Iysa arqalı keshiriletuǵını sizlerge járiyalanıp atır. Muwsanıń Nızamı menen sizler hesh bir gúnadan aqlana almas edińiz. Biraq Iysaǵa isengen hár bir adam Ol arqalı aqlanadı.

Elshiler 13:38-39

Balalarım, sizlerge jazıp atırman, Sebebi Iysanıń atı arqalı gúnalarıńız keshirildi.

1 Yuxan 2:12