Tuesday, April 22, 2025

Ibrayım: – Ulım, jandırılatuǵın qurbanlıq bolatuǵın janlıqtı Qudaydıń Ózi jetkizedi, – dep juwap berdi. Solay etip, olar ekewi jolın dawam etti.

Jaratılıs 22:8

Erteńine Yaqıya ózine qaray kiyatırǵan Iysanı kórgende bılay dedi: – Mine, dúnyanıń gúnasın Ózine alatuǵın Qudaydıń Qozısı!

Yuxan 1:29

Qudaydıń usı qálewi boyınsha, Iysa Masiyx Óz denesin birinshi hám sońǵı mártebe qurban etiwi arqalı bizler muxaddes qılındıq.

Evreyler 10:10

Adam Ulı Ózine xızmet ettiriwge emes, al Ózi xızmet etiwge hám kóplerdiń azatlıq qunın tólew ushın, Óz janın baǵıshlawǵa keldi.

Matta 20:28

Janımdı Mennen hesh kim tartıp ala almaydı. Biraq Men onı Ózim beremen. Mende onı beriwge de, qaytıp alıwǵa da biylik bar. Bul buyrıqtı Men Ákemnen aldım.

Yuxan 10:18

Assiriya bizlerdi qutqara almaydı, Minbeymiz sawash atlarına. Endi qoldan soǵılǵan butlardı „qudayımız“, demeymiz. Sebebi jetim Sennen rehim tabadı».

Hoshea 14:4

Men Masiyx penen birge atanaq aǵashqa shegelengenmen. Endi jasap atırǵan men emes, al mende Masiyx jasap atır. Házir denede jasap atırǵan ómirimde meni súygen hám men ushın Ózin qurban etken Qudaydıń Ulına degen isenimim menen jasap atırman.

Galatiyalılar 2:20

Quday bizlerdiń gúnalarımızdı hesh qashan gúna islemegen Masiyxqa júkledi. Masiyx penen baylanısqa iye bolǵan bizler Quday aldında usı arqalı aqlandıq.

2 Korinfliler 5:21

Solay etip, súyikli Ulı arqalı bizlerge sıyǵa bergen ullı miyrimi sebepli Ózine alǵıs aytıwımız ushın, Quday usılay isledi.

Efesliler 1:6