Thursday, April 17, 2025

Burınıraqta Jaratqan Iye Izrailǵa kórinip, bılay degen edi: Máńgilik súyispenshilik penen seni súyip, Saǵan miyrim kórsetiwdi dawam ettim.

Eremiya 31:3

Men onı insan jibi menen, Súyispenshilik arqanı menen jeteledim. Moynınan moyıntırıqtı alıp taslap, Onı awqatlandırıw ushın, eńkeydim.

Hoshea 11:4

Men jerden joqarıǵa kóterilgenimde, hámme adamlardı Ózime tartaman, – dedi.

Yuxan 12:32

Ol ótip baratırǵan Iysanı kórip: – Mine, Qudaydıń Qozısı! – dedi.

Yuxan 1:36

Muwsanıń shólde jılandı joqarı kótergeni sıyaqlı, Adam Ulı da joqarı kóteriliwi tiyis. Sonlıqtan Oǵan isengen hár bir adam máńgilik ómirge iye boladı.

Yuxan 3:14-15

Whom do I have in heaven? There is no one on earth whom I desire besides you.

Psalms 73:25

Bizler bir-birimizdi súyemiz, óytkeni dáslep Quday bizlerdi súydi.

1 Yuxan 4:19

Súyiklim maǵan bılay dedi: «Tur, súyiklim, gózzalım, Júr, birge keteyik! Qara, qıs ta ótti, Jawın da tındı. Jerde gúller ashılıp, Qosıq aytatuǵın waqıt keldi. Úlkemizde qumırınıń, Hawazı esitilip tur. Ánjir ǵumsha shıǵardı. Júzim shaqaları gúllep, Xosh iyisin shashıp tur. Tur, súyiklim, gózzalım, Júr, birge keteyik!»

Qosıqlar qosıǵı 2:10-13