Saturday, April 12, 2025

Muxaddes Jazıwlarda aytılǵanınday: «Hesh bir haq adam joq, Birde biri joq.

Rimliler 3:10

Hámme joldan adasqan, Barlıǵı jaramsız bolǵan. Jaqsılıq qılatuǵın hesh kim joq. Birde biri joq».

Rimliler 3:12

Jer betinde bárqulla jaqsılıq islep, Hesh gúna qılmay júrgen ádil adam joq.

Wazshı 7:20

Sonda insan Qudaydıń aldında qalay ádil bola aladı? Hayal zatınan tuwılǵan qalay pák bola aladı?

Ayup 25:4

Sonlıqtan Qudaydıń tınıshlıq beretuǵın mákanǵa kirgiziwi haqqındaǵı wádesi ele de kúshke iye eken, arańızdaǵı hár birińiz usı wádeden bos qalıp qoyıwdan qorqıp, saq bolıńlar.

Evreyler 4:1

Ne ushın maqtanasań jawızlıǵıń menen, háy, kúshli adam? Qudaydıń miyrim-shápááti hámme waqıtta meniń menen birge.

Zabur 51:3

Sen jaqsılıqtan góre, jawızlıqtı, Haqıyqattan góre, ótirikti jaqsı kóreseń. Selah

Zabur 51:5

Dawıt Natanǵa: – Men Jaratqan Iyege qarsı gúna isledim, – dedi. Natan oǵan: – Jaratqan Iye gúnańızdan ótti, siz ólmeysiz.

2 Patshalar 12:13

Quday Ózi aldın ala belgilegen adamların shaqırdı, shaqırǵan adamların aqladı, al aqlaǵan adamların ullılıqqa eristirdi.

Rimliler 8:30

Bizlerdiń hámmemiz perdesiz júz benen Iyemizdiń ullılıǵın kóremiz. Sol arqalı Oǵan uqsaw ushın ózgerip, ullılıq ústine ullılıqqa erisip baramız. Bul Ruwx bolǵan Iyemizdiń járdeminde iske asadı.

2 Korinfliler 3:18

Tek ǵana isenimde bárqulla turaqlı hám bekkem bolıp, ózlerińiz esitken Xosh Xabardıń úmitinen taymasańız bolǵanı. Men, Pavel, aspan astındaǵı pútkil adamzatqa járiyalanǵan usı Xosh Xabardıń xızmetshisi boldım.

Kolosalılar 1:23

Sizlerge aqıl-násiyat hám jubanısh berip, Óz Patshalıǵına hám saltanatına shaqırǵan Qudayǵa ılayıqlı jasawdı ótinish ettik.

1 Salonikalılar 2:12