Wednesday, April 9, 2025

Qanday baxıtlı jarlını oylaytuǵın! Apat kúninde onı Jaratqan Iye qutqarar.

Zabur 40:2

Men Masiyx penen birge atanaq aǵashqa shegelengenmen. Endi jasap atırǵan men emes, al mende Masiyx jasap atır. Házir denede jasap atırǵan ómirimde meni súygen hám men ushın Ózin qurban etken Qudaydıń Ulına degen isenimim menen jasap atırman.

Galatiyalılar 2:20

Quday, hátte, Óz Ulın da ayamay, Onı bizlerdiń hámmemiz ushın qurbanlıq qılıp baǵıshlaǵan bolsa, Onıń menen birlikte bizlerge hámme nárseni bermes pe eken?

Rimliler 8:32

Biraq, bizler ele gúnakar bolǵan waqtımızda Masiyx bizler ushın óldi. Bizlerge degen súyispenshiligin Quday usılay dálilledi.

Rimliler 5:8

Ol bizlerdi mórlep tamǵa bastı hám bunıń dálili sıpatında Muxaddes Ruwxtı júregimizge jaylastırdı.

2 Korinfliler 1:22

Qudayǵa tiyisli bolǵan bizlerdiń tolıq qutqarılıwımızǵa deyin bul Muxaddes Ruwx – Qudaydıń bizlerge wáde etken miyrasınıń kepili. Bulardıń hámmesi bizlerdiń ullı Qudaydı alǵıslawımız ushın boldı.

Efesliler 1:14

Biraq, miyrim-shápáátke bay bolǵan Quday bizlerdi sonshelli súygenlikten, gúnalarımız sebepli óli bolsaq ta, bizlerdi Masiyx penen birge tiriltti. Sizler Onıń miyrimi menen qutqarıldıńız. Bizler Masiyx Iysa menen qatnasta bolǵanlıqtan, Quday bizlerdi Masiyx penen birge tiriltip, Onıń menen birge aspandaǵı orınlardan berdi.

Efesliler 2:4-6