Tuesday, April 8, 2025

Sonda Muwsa Oǵan: – Maǵan saltanatıńdı kórset, – dedi.

Shıǵıw 33:18

Tek Meniń júzimdi kóre almaysań. Óytkeni Meniń júzimdi kórgen adam tiri qalmaydı.

Shıǵıw 33:20

Hesh kim hesh qashan Qudaydı kórgen emes. Biraq Onı Ákeniń qushaǵındaǵı Ózi Quday bolǵan jalǵız Ul tanıttı.

Yuxan 1:18

«Mine, Ol bultlar menen kelmekte! Hár bir kóz Onı kóredi, Onıń denesin teskenler de kóredi. Jer júziniń barlıq xalıqları, Ol sebepli ókirip jılaydı». Awa, usılay boladı, awmiyin.

Ayan 1:7

„Onı kórip turman, biraq házir emes, Oǵan qarap turman, biraq ol jaqın emes. Yaqıp urpaǵınan bir juldız shıǵar, Izraildan patshalıq hasası kóteriler. Ol Moabtıń kósemlerin joq qılıp, Shettiń urpaǵınıń basların ezer.

Sanlar 24:17

Biraq men bilemen, Ámeńgerim tiri, Aqırında Ol men ushın jer betine kelip turadı. Denem buzılıp ketkennen keyin bolsa da, Usı denem menen Qudaydı kóremen,

Ayup 19:25-26

Oqların atıp, dushpanlardı pıtırattı, Shaqmaq shaqtırıp, olardı albıratıp tasladı.

Zabur 17:15

Súyikli tuwısqanlarım, bizler endi Qudaydıń balalarımız. Biraq qanday bolatuǵınımız ele bizlerge kórsetilmedi. Masiyx kelgende, Ol sıyaqlı bolatuǵınımızdı bilemiz. Óytkeni Onı haqıyqattan qanday bolsa, sonday kóremiz.

1 Yuxan 3:2

Óytkeni Iyemizdiń Ózi buyırǵan bálent dawıs astında, bas perishteniń sesti hám Qudaydıń kárnayınıń hawazı menen aspannan kelgende, dáslep Masiyxqa isengen óliler tiriledi. Onnan soń, jasap atırǵan bizler, yaǵnıy tiri qalǵanlar olar menen birge Iyemizdi hawada kútip alıw ushın, bultlar ishine alınıp kóterilemiz. Solay etip, hámme waqıt Iyemiz benen birge bolamız.

1 Salonikalılar 4:16-17