Tuesday, April 1, 2025

Biraq sennen tınıshlıqtı súyetuǵın bir ul tuwıladı. Men onı dógeregindegi barlıq dushpanlarınan qutqarıp, ráhátke eristiremen. Onıń atı Sulayman boladı. Onıń dáwirinde Izrailǵa tınıshlıq hám aman-esenlik inam etemen.

1 Jılnama 22:9

Qubladaǵı hayal patsha húkim shıǵarılatuǵın qıyamet-qayım kúni usı áwlad penen birge ornınan turıp, bul áwladtıń adamların ayıplaydı. Sebebi ol Sulaymannıń danalıǵın esitiw ushın, jer betiniń arǵı shetinen kelgen edi. Biraq bul jerde Sulaymannan da ullı Birew bar.

Matta 12:42

Sebebi bizler ushın bir náreste tuwıldı, Bir ul inam etildi! Húkimdarlıq onıń jelkesine júklenedi, Onıń atı: Ájayıp Másláhátshi, Kúshli Quday, Máńgilik Áke, Paraxatshılıq Kósemi boladı.

Iyshaya 9:6

Xalqım tınısh orınlarda, Qáwipsiz úylerde, Ráhát baǵıshlaytuǵın jerlerde jasaydı. Toǵay pútkilley joq bolsa da, Qala jer menen jeksen etilse de,

Iyshaya 32:18-19

Óytkeni Masiyxtıń Ózi – yahudiyler menen basqa milletlerdi birlestirgen biziń jarastırıwshımız. Ol Óz denesin qurban etip, aradaǵı ayırıp turǵan diywaldı, yaǵnıy dushpanlıqtı joq qıldı.

Efesliler 2:14

Tınıshlıq ornatıwshı ol boladı. Assiriyalılar elimizge hújim etip, Qorǵanlarımızdı jarıp ótkende, Olarǵa qarsı jeti jetekshi hám segiz basshı tayınlaymız.

Mixa 5:5

Olar Qozıǵa qarsı urısadı, biraq Qozı olardı jeńedi. Óytkeni Qozı – húkimdarlar Húkimdarı hám patshalar Patshası. Onıń menen birge bolǵanlar – shaqırılǵanlar, tańlanǵanlar hám Oǵan sadıq qalǵanlar.

Ayan 17:14

Men sizlerge tınıshlıq qaldıraman. Óz tınıshlıǵımdı sizlerge beremen. Men beretuǵın tınıshlıq dúnya beretuǵın tınıshlıqqa uqsamaydı. Júreklerińiz ǵam shekpesin, qorqpańlar.

Yuxan 14:27