Saturday, April 19, 2025

Sol waqıtta-aq Ibadatxananıń Muxaddesxanasındaǵı perde joqarıdan tómenge deyin qaq ayırılıp, ekige bólindi. Jer silkinip, jartaslar jarıldı.

Matta 27:51

Masiyxtıń Ózi de haq bola tura, nahaqlar ushın azap shekti. Ol bizlerdi Qudayǵa alıp keliw ushın, gúnalarımız ushın bir mártebe qurban boldı. Denesi óltirilse de, Ol ruwxta tirildi.

1 Petr 3:18

Bul arqalı Muxaddes Ruwx bizlerge mınanı bildiredi: Muxaddes shatırdıń birinshi bólmesi ele bar eken, Eń muxaddes bólmege baratuǵın jol jabıq boladı.

Evreyler 9:8

Men – qapıman. Kim de kim Men arqalı kirse, qutqarıladı. Ol kiredi, shıǵadı hám jaylaw tabadı.

Yuxan 10:9

Iysa oǵan bılay dedi: – Men jol, haqıyqat hám ómirmen. Men arqalı bolmasa, hesh kim Ákege bara almaydı.

Yuxan 14:6

Ol arqalı bizler hámmemiz bir Muxaddes Ruwx penen Ákemiz Qudaydıń aldına bara alamız. Solay etip, endi sizler jat hám shet jerli adam emessizler, al muxaddeslerge watanlas, Qudaydıń shańaraǵınıń aǵzalarısız.

Efesliler 2:18-19

Sonlıqtan háy tuwısqanlarım, Iysanıń qanı sebepli aspandaǵı Eń muxaddes bólmege kiriwge bizlerde batıllıq bar. Ol bizlerge Muxaddes shatırdaǵı perde arqalı, yaǵnıy Óz denesi arqalı sol Eń muxaddes bólmege kiriwge jańa hám tiri jol ashıp berdi.

Evreyler 10:19-20

Solay etip, isenim menen aqlanǵanımız sebepli, Iyemiz Iysa Masiyx arqalı Quday menen jarastıq. Iysa Masiyx arqalı Qudaydıń miyrimine isenimimiz benen iye bolıp jasamaqtamız. Jáne de, Qudaydıń ullılıǵına erisiwden úmit etip, quwanamız.

Rimliler 5:1-2