Saturday, April 26, 2025

Ázelden bar bolǵan Quday seniń panańdur, Seni Ol Óziniń máńgilik qollarında alıp júrer. Dushpanlarıńdı aldıńnan quwıp shıǵarıp, Saǵan: „Olardı qırıp tasla!“ – dep aytadı.

Nızamnıń qaytalanıwı 33:27

Biraq ol samaldıń kúshli ekenin kórgende qorqıp ketip, suwǵa bata baslaǵanda: – Iyem! Meni qutqar! – dep baqırdı. Iysa dárriw qolın sozıp, onı tartıp aldı da, oǵan: – Háy, isenimi az! Sen nege gúmanlandıń? – dedi.

Matta 14:30-31

Maǵan járdem beriwge asıq, Qutqarıwshım, Iyem!

Zabur 37:23-24

Muwsa Benyamin urıwı haqqında bılay dedi: «Jaratqan Iyeniń súyiklisi, Onıń janında qáwip-qátersiz jasasın, Jaratqan Iye hámme waqıtta onı qorǵaydı, Ol da Jaratqan Iyeniń qushaǵında tınıshlıq tabadı».

Nızamnıń qaytalanıwı 33:12

Barlıq ǵam-táshiwishlerińizdi Oǵan tapsırıńlar. Óytkeni Ol sizlerge ǵamxorlıq qıladı.

1 Petr 5:7

Álemniń Jaratqan Iyesi Óz dańqı ushın meni sizlerdi tonaǵan xalıqlarǵa jiberdi. Ol bılay deydi: «Sizlerge tiygen Meniń kózimniń qarashıǵına tiygen boladı.

Zexariya 2:8

Men olarǵa máńgilik ómir beremen hám olar hesh qashan nabıt bolmaydı. Hesh kim olardı Meniń qolımnan tartıp ala almaydı. Olardı Maǵan bergen Ákem – hámmeden ullı. Ákemniń qolınan olardı hesh kim tartıp ala almaydı.

Yuxan 10:28-29