Thursday, May 1, 2025

Gúnakar tábiyat basqaratuǵın oy-pikirler ólimge, al Muxaddes Ruwx basqaratuǵın oy-pikirler ómirge hám tınıshlıqqa eristiredi.

Rimliler 8:6

Biraq, eger isenbeytuǵın adam ajırasqısı kelse, ajırasıwına boladı. Bunday jaǵdayda er yamasa hayal tuwısqanımız sol nekede qalıwǵa májbúr emes. Degen menen, Quday sizlerdi tınıshlıqta jasawǵa shaqırdı.

1 Korinfliler 7:15

Men sizlerge tınıshlıq qaldıraman. Óz tınıshlıǵımdı sizlerge beremen. Men beretuǵın tınıshlıq dúnya beretuǵın tınıshlıqqa uqsamaydı. Júreklerińiz ǵam shekpesin, qorqpańlar.

Yuxan 14:27

Úmittiń tiykarı bolǵan Quday Muxaddes Ruwxtıń kúshi menen úmitke tolıp tasıwıńız ushın, kewillerińizdi isenimińiz arqalı quwanısh hám tınıshlıqqa toltırsın.

Rimliler 15:13

Sonlıqtan bul sebepli azap shegip atırman. Biraq ta, men arlanbayman. Sebebi Kimge isengenimdi bilemen hám maǵan tapsırılǵandı Onıń Óziniń sol kúnge deyin saqlay alatuǵınına da isenemen.

2 Timofey 1:12

Saǵan úmit artqanı ushın, Pikirin Saǵan baǵıshlaǵandı, Tolıq tınıshlıqta saqlaysań.

Iyshaya 26:3

Ádilliktiń miywesi tınıshlıq, Nátiyjesi amanlıq hám máńgilik qáwipsizlik boladı. Xalqım tınısh orınlarda, Qáwipsiz úylerde, Ráhát baǵıshlaytuǵın jerlerde jasaydı.

Iyshaya 32:17-18

Al meni tıńlaǵanlar qáwipsiz jasap, Jamanlıqtan qorqpay, tınısh boladı».

Hikmetler 1:33

Those who love your law have great peace. Nothing causes them to stumble.

Psalms 119:165