Tuesday, January 28, 2025

Tárbiyalaw ushın berilgen hár bir jaza waqtında quwanısh emes, al qapagershilik alıp keledi. Biraq keyin ala ol usılay tárbiyalanǵan adamlarǵa tınıshlıq beriwshi haqlıq alıp keledi.

Evreyler 12:11

Biraq, adam ómirinde jetistiretuǵın Muxaddes Ruwxtıń jemisi – súyispenshilik, quwanısh, tınıshlıq, sabırlılıq, miyrimlilik, qayırqomlıq, sadıqlıq,

Galatiyalılar 5:22

Jaratqan Iye olardı húkim etti, Quwıp, súrgin qıldı. Olardı shıǵıs samalı kibi, Ǵázepli demi menen quwıp shıǵardı.

Iyshaya 27:8

Kóktegi úyińnen tawlardı suwǵarasań, Jer júzi islerińniń miywesinen toyadı.

Zabur 103:13

Sonlıqtan ruwxımızdı túsirmeymiz. Bizlerdiń kórinetuǵın denemiz tozıp baratırǵan bolsa da, ishki dúnyamız kúnnen-kúnge jańalanıp atır. Óytkeni házirgi ótkinshi hám arzımas qıyınshılıqlarımız bizlerge hádden tıs ullı hám máńgilik dańq alıp keledi. Bizler kózge kórinetuǵın qıyınshılıqlarǵa emes, al kózge kórinbeytuǵın ullılıqqa qaraymız. Sebebi kózge kórinetuǵın nárseler ótkinshi, al kózge kórinbeytuǵın nárseler máńgi boladı.

2 Korinfliler 4:16-18

Ol Qudaydıń Ulı bolsa da, shekken azapları arqalı boysınıwdı úyrendi.

Evreyler 5:8

Ol – bizlerdiń hálsizliklerimizdi bólise alatuǵın bas ruwxaniy. Onıń Ózi hár tárepleme bizler sıyaqlı sınaldı, biraq gúna islemedi.

Evreyler 4:15