Friday, September 20, 2024

Meni tapqan ómirdi tabadı, Jaratqan Iyeniń miyrimine erisedi.

Hikmetler 8:35

Jaratqan Iye bılay deydi: «Dana adam danalıǵı menen, Kúshli kúshi menen, Bay baylıǵı menen maqtanbasın. Maqtanatuǵın adam Meni túsingeni hám tanıǵanı menen, Jer júzinde súyispenshilik, Ádalat hám tuwrılıqtı júzege asıratuǵın, Jaratqan Iye Men ekenim menen maqtansın. Bulardan Men ráhátlenemen», – deydi Jaratqan Iye.

Eremiya 9:23–24

Jaratqan Iyeden qorqıw – danalıqtıń bası, Muxaddes Qudaydı tanıw – aqıl-parasat.

Hikmetler 9:10

Biraq, bir waqıtları áhmiyetli dep bilgen bul nárselerimdi endi Masiyx ushın paydasız dep esaplayman. 8-9 Awa, men hámme nárseni Iyem Masiyx Iysanı biliwdiń artıqmashlıǵı aldında paydasız dep sanayman. Jáne de, men Masiyx ushın hámme nárseden bas tarttım hám Oǵan erisip, Onıń menen birge bolıw ushın, hámmesin sıpırındı dep esaplayman. Endi Muxaddes Nızamdı orınlawım arqalı alatuǵın óz haqlıǵıma emes, al Masiyxqa degen isenim arqalı beriletuǵın, yaǵnıy Qudaydıń isenimimizge qaray beretuǵın haqlıǵına iyemen.

Filipliler 3:7–8

Masiyxta aqıl-danalıqtıń pútkil ǵáziynesi jasırılǵan.

Kolosalılar 2:3

Mende jaqsı keńes bar, mende úgit-násiyat bar, Men túsinikpen, kúsh-quwat ta mende bar.

Hikmetler 8:14

Biraq, sizler ómirińizdiń tiykarı bolǵan Quday sebepli, Masiyx Iysa menen qarım-qatnasqa iyesiz. Masiyx bizler ushın Qudaydıń danalıǵı bolıp, bizlerdi aqlap, muxaddes qıldı hám gúnalarımız ushın tólem tólep qutqardı.

1 Korinfliler 1:30

Ádildiń miywesi – ómir teregi, Dana adam adamlardı ózine tartar.

Hikmetler 11:30