Monday, September 16, 2024

Jaratqan Iye haqlardıń jolın gúzeter, Al nahaqlardıń jolı ólimge jetekler.

Zabur 1:6

Keyin ol Qorax hám onıń sheriklerine bılay dedi: – Azanda Jaratqan Iye kimdi Ózine baǵıshlap alǵanın kórsetedi. Jaratqan Iye kimdi tańlaǵan bolsa, sol adamdı Óz dárgayına jaqınlastıradı.

Sanlar 16:5

Sonda sen qılǵan qayırlı is jasırın boladı hám jasırınlıqtı kóriwshi Ákeń saǵan qaytaradı.

Matta 6:4

Súyispenshilikte qorqıw joq. Kerisinshe, minsiz súyispenshilik qorqıwdı quwıp shıǵaradı. Sebebi qorqıw jaza menen baylanıslı boladı. Qorqatuǵın adam súyispenshilikte minsizlikke erispegen.

1 Yuxan 4:18

Azat qıla gór barlıq jınayatlarımnan, Aqmaqlardıń ústimnen kúliwine jol qoyma.

Zabur 38:9

Dushpanlarım meni quwǵın qıldı, Ómirimdi jer menen jeksen qıldı. Ázelde álemnen ótkenler sıyaqlı, Meni qarańǵılıqta jasawǵa májbúrledi.

Zabur 142:3

Adamlardıń kewillerinde ne bar ekenin biliwshi Quday Muxaddes Ruwxtıń oy-pikirlerin biledi. Sebebi Muxaddes Ruwx muxaddesler ushın Qudaydıń erki boyınsha ótinish etedi.

Rimliler 8:27

Biraq Quday salǵan kúshli negiz bekkem turıptı. Sol negiz «Jaratqan Iye Ózine tiyisli bolǵanlardı biledi» hám «Jaratqan Iyege tiyislimen, degen hár bir adam jamanlıqtan awlaq júrsin», – degen sózler menen tastıyıqlanǵan.

2 Timofey 2:19