Thursday, September 12, 2024

Jaratqan Iye olarǵa bılay dedi: – Eger sizler Qudayıńız Jaratqan Iyeniń, yaǵnıy Meniń sózimdi dıqqat penen tıńlap, názerimde tuwrı bolǵan islerdi isleseńler, buyrıqlarıma qulaq asıp, hámme qaǵıydalarımdı orınlasańlar, mısırlılarǵa bergen keselliktiń hesh birin sizlerge bermeymen. Sebebi Men – sizlerge shıpa beriwshi Jaratqan Iyemen.

Shıǵıw 15:26

Atqarıwshılardıń jetekshisine. Dawıttıń jırı Jaratqan Iye, meni jawızlardan qutqar, Zalımlardan qorǵa. Olar júreklerinde jawız joba dúzedi, Bárqulla urıs-jánjel qozǵaydı.

Zabur 139:1–3

Tek ǵana sen óz kóziń menen, Jawız adamlardıń jazalanıwın kóreseń.

Zabur 90:8

Jaratılǵan hesh bir nárse Quday aldında jasırın emes. Onıń kóz aldında hár bir nárse ashıq hám ayan. Bizler usı Qudayǵa esap beremiz.

Evreyler 4:13

Kelińler, máseleni birge talqılayıq! – deydi Jaratqan Iye. – Gúnalarıńız qıp-qızıl bolsa da, Olar qarday appaq boladı. Olar shım qızıl bolsa da, Aq júndey boladı.

Iyshaya 1:18

Onıń miyrimi túsip: «Onı qábirge túsiwden aman saqlap qala gór! Men onıń qunın óteytuǵın tólem taptım», – dese,

Ayup 33:24

Al ol bizlerdiń qılmıslarımız ushın jaraqatlandı, Bizlerdiń jınayatımız ushın azap shekti. Tınıshlıq alıwımız ushın beriletuǵın jazanı ol aldı, Onıń jaraları bizlerge shıpa berdi.

Iyshaya 53:5

Quday Iyeniń Ruwxı meniń ústimde. Ol meni jarlılarǵa xosh xabar járiyalaw ushın mayladı. Meni jaralı júreklerdi emlewge, Tutqınlardıń azatlıqqa, Qamaqtaǵılardıń erkinlikke shıǵatuǵının,

Iyshaya 61:1

Iysa oǵan: – Qızım! Isenimiń seni qutqardı. Tınıshlıq penen bara ber, endi dártińnen azap shekpeyseń, – dedi.

Mark 5:34