Thursday, September 5, 2024

Masiyx – iseniwshiler jámáátiniń, yaǵnıy Óz denesiniń bası hám jámááttiń tiykarı. Ol hámme nárseden joqarı bolıw ushın, óliler ishinen birinshi bolıp tirildi.

Kolosalılar 1:18

Hámme nárseni Oǵan boysındırıp, baǵındırdı. Onı pútkil barlıqtıń ústinen qoyıp, iseniwshiler jámáátiniń bası qıldı. Iseniwshiler jámááti Masiyxtıń denesi bolıp, pútkil barlıqtı toltırıp turǵan Masiyxtıń tolılıǵına iye.

Efesliler 1:22–23

Óytkeni bizler Masiyxtıń denesiniń múshelerimiz.

Efesliler 5:30

Sol sebepten Masiyx dúnyaǵa kelip, Qudayǵa bılay degen edi: «Sen qurbanlıq hám sadaqalardı qálemediń, Biraq, Men ushın bir dene tayarladıń.

Evreyler 10:5

Seniń Maǵan dúnyadan bergen adamlarıńa Seniń atıńdı tanıttım. Olar Seniki edi, Sen olardı Maǵan berdiń hám olar Seniń sózlerińdi orınladı.

Yuxan 17:6

Quday Óziniń aldında muxaddes hám minsiz bolıwımız ushın, Masiyx penen qatnasta bolǵan bizlerdi dúnya jaratılmastan burın tańlap aldı. Quday bizlerdi súyip,

Efesliler 1:4

Óytkeni Quday Ózi aldınnan bilgen adamlarınıń Ulına uqsawı ushın olardı aldın ala belgiledi. Solay etip, Quday Óz Ulınıń kóp tuwısqanlar arasında tuńǵısh bolıwı ushın usılay isledi.

Rimliler 8:29

Kerisinshe, haqıyqatlıqtı súyispenshilik penen aytıp, deneniń bası bolǵan Masiyxqa qaray hár tárepleme ósip barayıq. Onıń basqarıwında pútkil deneniń músheleri óz ara birigip, hár bir múshe óz minnetin atqarıwı arqalı bir-birine járdem berip, baylanıs jasaydı. Usılay etip, pútkil dene súyispenshilik penen ósip, ózin bekkemlep baradı.

Efesliler 4:15–16