Sunday, September 8, 2024

Bunnan bılay menmensip sóylegendi toqtatıń, Awzıńızdan tákabbir sózler shıqpasın. Sebebi Jaratqan Iye hámmesin biliwshi Quday-ǵo, Hár bir isti tárezige tartıwshı da Ol.

1 Patshalar 2:3

Iysa olarǵa bılay dedi: – Sizler ózlerińizdi adamlar aldında haq qılıp kórsetesizler, biraq Quday júregińizdi biledi. Adamlar qımbat dep sanaǵan nárse Quday aldında jerkenishli.

Luka 16:15

Biraq Jaratqan Iye Samuelge: «Onıń shırayına, boyınıń uzınlıǵına qarama. Sebebi Men onı maqul kórmedim. Men adamlar sıyaqlı qaramayman. Adam sırtqı kórinisine qaraydı, al Men júrekke qarayman», – dedi.

1 Patshalar 16:7

Óz-ózińizdi aldamańlar, Qudaydı aldaw múmkin emes. Adam ne ekse, sonı oradı. Óziniń gúnakar tábiyatına boysınıwshı sol tábiyatqa tán ólim aladı. Muxaddes Ruwxqa boysınıwshı Muxaddes Ruwxqa tán máńgilik ómirdi aladı.

Galatiyalılar 6:7–8

Adam pútkil dúnyanı iyelep alıp, biraq óz janın joǵaltsa, bunnan oǵan ne payda? Ol óz janı ushın qanday tólem bere aladı?

Matta 16:26

Biraq, bir waqıtları áhmiyetli dep bilgen bul nárselerimdi endi Masiyx ushın paydasız dep esaplayman.

Filipliler 3:7

Zıyan tiygizetuǵın sózlerdi jaqsı kóreseń, Ótirikshi tildi súyeseń.

Zabur 51:6

Jaratqan Iye – jartasım, qorǵanım hám qutqarıwshım. Qudayım meniń qorǵawshı jartasım, Onnan pana tabaman, Ol qalqanım, qúdiretli qutqarıwshım hám qorǵanımdur!

Zabur 17:3