Saturday, September 7, 2024

Sizlerdiń bul isenimińiz hám súyispenshiligińiz aspanda sizler ushın saqlawlı turǵan úmitke negizlengen. Sizler usı úmit haqqında eń dáslep haqıyqat sózlerin, yaǵnıy Xosh Xabardı esitken waqıtta esitkensizler.

Kolosalılar 1:5

Eger bizler tek bul dúnyadaǵı ómirimizde ǵana Masiyxtan úmit etetuǵın bolsaq, onda bizler hámme adamlar ishindegi eń ayanıshlı adamlar bolǵanımız.

1 Korinfliler 15:19

Jol-jónekey shákirtlerdiń janlarına kúsh-quwat berip, isenimde bekkem turıwdı úgit-násiyat etti de: «Qudaydıń Patshalıǵına kiriwimiz ushın, kóp qıyınshılıqlardan ótiwimiz tiyis», – dedi.

Elshiler 14:22

Kim de kim óz atanaq aǵashın arqalap, Meniń izimnen júrmese, ol Meniń shákirtim bola almaydı.

Luka 14:27

Azap-aqıretler sebepli hesh kim isenimde silkinbesin dep, bizler usılay isledik. Azap shegiw táǵdirimizge jazılǵanı ózlerińizge málim.

1 Salonikalılar 3:3

Iyemiz benen qatnasta bolıp, bárqulla quwanıńlar. Tákirarlap aytaman: quwanıńlar.

Filipliler 4:4

Úmittiń tiykarı bolǵan Quday Muxaddes Ruwxtıń kúshi menen úmitke tolıp tasıwıńız ushın, kewillerińizdi isenimińiz arqalı quwanısh hám tınıshlıqqa toltırsın.

Rimliler 15:13

Iyemiz Iysa Masiyxtıń Ákesi – Qudayǵa alǵıslar bolsın! Sebebi Ol Óziniń sheksiz miyrim-shápááti menen bizlerdi jańadan tuwıldırdı. Sonlıqtan Iysa Masiyxtıń ólimnen tiriliwi arqalı bizlerge sónbeytuǵın úmit berdi.

1 Petr 1:3

Sizler Masiyxtı kórmegen bolsańız da, Onı súyesizler. Házir Onı kóre almasańız da, Oǵan isenip, sóz benen aytıp jetkiziwge qıyın bolǵan bir ájayıp hám ullı quwanısh penen shadlanbaqtasızlar.

1 Petr 1:8

Iysa Masiyx arqalı Qudaydıń miyrimine isenimimiz benen iye bolıp jasamaqtamız. Jáne de, Qudaydıń ullılıǵına erisiwden úmit etip, quwanamız.

Rimliler 5:2