Thursday, September 19, 2024

Jaratqan Iye Muwsaǵa bılay dedi: – Men pútkil iygiligimdi seniń aldıńnan alıp ótip, aldıńda Ózimniń «Jaratqan Iye» degen atımdı járiyalayman. Kimge miyrim-shápáátimdi beriwdi qálesem, soǵan miyrim-shápáátimdi beremen. Kimge rehim etiwdi qálesem, soǵan rehim etemen.

Shıǵıw 33:19

Onıń miyrimi túsip: «Onı qábirge túsiwden aman saqlap qala gór! Men onıń qunın óteytuǵın tólem taptım», – dese,

Ayup 33:24

Biraq, adamlar Qudaydıń miyrimi menen, Iysa Masiyxtıń qanı arqalı esheyin aqlanadı. Masiyxqa degen isenim menen, Onıń qanı arqalı gúnaları keshirilsin dep, Quday Masiyxtı adamlar ushın qurbanlıqqa baǵıshladı. Quday bul arqalı Óz ádilligin kórsetti. Sebebi Quday sabırlılıq etip, burınnan beri islengen gúnalardı keshirdi.

Rimliler 3:24–25

Óytkeni Muxaddes Nızam Muwsa arqalı berilgen edi, biraq miyrim hám haqıyqat Iysa Masiyx arqalı keldi.

Yuxan 1:17

Sizler isenimińiz arqalı Qudaydıń miyrimi menen qutqarıldıńız. Bul sizlerdiń jetiskenligińiz emes, al Qudaydıń sıyı bolǵanlıqtan,

Efesliler 2:8

isenimdegi haqıyqıy ulım bolǵan Timofeyge sálem! Ákemiz Quday hám Iyemiz Masiyx Iysa saǵan miyrim, rehim hám tınıshlıq bersin!

1 Timofey 1:2

Biraq Quday hár birimizge Masiyxtıń saqıylıǵına muwapıq Óz miyrimin sıyǵa berdi.

Efesliler 4:7

Hár birińiz jaqsı xızmetshi sıpatında Qudaydıń sizlerge miyrimlilik penen bergen hár túrli ruwxıy sıyların qollana otırıp, bir-birińizge xızmet etińler.

1 Petr 4:10

Degen menen, Qudaydıń bizlerge beretuǵın miyrimi jáne de ullıraq. Sonlıqtan Muxaddes Jazıwda: «Quday menmenlerge qarsı turadı, Biraq kishipeyillilerge Óz miyrimin beredi», – delingen.

Yaqıp 4:6

Iyemiz hám Qutqarıwshımız Iysa Masiyxtıń miyrimine bólenip, Onı biliwde ósip barıńlar. Házir hám máńgige Oǵan dańq bolsın! Awmiyin.

2 Petr 3:18