Saturday, September 21, 2024

Quday rehim etiwdi umıtqanı ma? Miyrim-shápáátiniń ornın ǵázep basqanı ma? Selah

Zabur 76:10

Sizler maǵan jamanlıq oylaǵan edińiz. Biraq Quday kóp adamlardıń ómirin saqlap qalıw ushın, házir ózlerińiz kórip turǵanıńızday, bul jamanlıqtı jaqsılıqqa aylandırdı.

Jaratılıs 50:20

Sonlıqtan hesh bir adam adamlar menen maqtanbasın. Óytkeni hámmesi sizlerge tiyisli: Pavel de, Apollos ta, Kifa da, dúnya da, ómir hám ólim de, házirgi hám keleshek zaman da, hámmesi sizlerge tiyisli. Sizler Masiyxqa tiyislisiz, al Masiyx Qudayǵa tiyisli.

1 Korinfliler 3:21–23

Bulardıń hámmesi sizlerdiń paydańız ushın bolıp atır. Solay etip, bizlerdiń basımızdan keshirgen qıyınshılıqlarımız sebepli, Qudaydıń sizlerge degen miyrimi artadı. Sol miyrim ele de kóp adamlarǵa jetip barıwı arqalı Qudayǵa kóp shúkirlikler aytıladı hám Ol dańqqa bólenedi. Sonlıqtan ruwxımızdı túsirmeymiz. Bizlerdiń kórinetuǵın denemiz tozıp baratırǵan bolsa da, ishki dúnyamız kúnnen-kúnge jańalanıp atır. Óytkeni házirgi ótkinshi hám arzımas qıyınshılıqlarımız bizlerge hádden tıs ullı hám máńgilik dańq alıp keledi.

2 Korinfliler 4:15–17

Tuwısqanlarım, túrli sınawlarǵa ushıraǵanıńızda onı úlken quwanısh penen qabıl etińler. Sebebi isenimińizdiń sınalıwınan sabırlılıq payda bolatuǵının bilesizler. Hesh bir kemshiliksiz, jetilisken hám minsiz adamlar bolıwıńız ushın tolıq sabırlılıq etińler.

Yaqıp 1:2–4