Юсуф ольгенде, кемиклерининъ Ваат этильген Ергъа кетирильмесини истади (Яратылыш 50:25). Исраиль огъуллары Мысырда юзлердже йыл къалдылар; сонъра Мысырдан чыкъыш вакъытында Муса кемиклерни озьи иле алды (Чыкъыш 13:19). Кыркъ йыл сонъра, чёльдеки ёлджулыкълары биткенде, окъуймыз: «Исраиль огъулларынынъ Мысырдан кетирген Юсуфнынъ кемиклерини Шехемде комедилер.» Аллаh эр вакъыт узакъны коре, ве О, Онынъ къарарларыны ерине кетирмекте сабырлыдыр.
Бу къыйметли юкнинъ чёль ёлджулыгъы боюнджа насыл сакълангъаны акъкъында ич бир шей ачыкъланмагъан. Аллаh бизге эр вакъыт эр шейни айтмай, тек бильмек керек олгъанымызны айта. Мусанынъ Юсуфнынъ кемиклерини Ешуагъа бергени, миссияны тамамламакъ ве бойлеликнен Юсуфкъа чокъ эвель берильген антны ерине кетирмек ичюн кескиндир.
Сонъунда Юсуфнынъ истеги ерине кетирилди. Онынъ кемиклери акъкъындаки истеги бизге бир аз гъарип корюне билир, амма садыкъ, такъвалы Исраиллилер ичюн бабаларынынъ топрагъында комели олмакъ муим эди. Юсуфнынъ кемиклери Исраиль огъуллары ичюн кыркъ йыл чёльде ёлджулыкъ эткенде бир шаатлыкъ эди. Олар Юсуфнынъ ольгенини анълаткъан бир хатырлатма эди, амма кемиклери де Аллаhнынъ оларны топракъкъа кетирме ваадининъ бир теминджиси эди.
Айна шу шекильде биз ичюн де, Раббимнинъ Акъшам Емегининъ саде тимсаллери Онынъ олюмининъ бир хатырасы оларакъ кечмишке бакъа, амма айны заманда огюмюздеки кокнинъ кескин умюдине де бакъа, чюнки биз буны «О кельгенге къадар» япмалымыз (1 Коринфлилер 11:26).
