Bul payg'ambarlikta Yesaya Ma'sihdin' o'liminen keyin qanday jerleniwi kerek ekenligin si'patlaydi. Eger Rim xochg'a qadaw qati'gez ha'm qorqi'ni'shli bolsa, on'i'n' qurbanlari'ni'n' jerleniwi de sol o'limge say edi. A'dette, xochg'a qadalg'an jinayatshi'lar o'limnen keyin xochda qaldi'ri'latug'i'n edi, bas taxtada olardi'n' jinayati'ni'n' si'pati' menen birge. Bul Rim nizamlarina yaki ja'miyetlik ta'rtibine qarsi' shi'qqan ha'r kimge ne bolatug'i'ni'n o'tip baratirg'anlarg'a ani'q esletpe retinde islenedi. Waqit o'te kelip, o'lik jani'barlar etin jep, keyin su'yekleri xochg'a qadaw orn'i'ndag'i org'a ko'miletug'i'n edi. Biraq Ma'sihdin' xochg'a qadalg'an ku'nindegi arnawli' ja'g'daylar sebepli – bul Pasxa bayrami'ni'n' u'lken shanbesi edi – evreyler denelerdi xochda qaldi'riwdi qa'lemedi. Bul ja'g'dayda, deneler Hinnom oypatli'g'i'ndag'i otli' qaldi'qlar sho'pke taslaniwi kerek edi. Bul Rabbiyimiz ushin jaman adamlardi'n' «belgilegen» qabiri edi.
Biraq, Qu'day O'z su'yikli Uli'ni'n' jerleniwi haqqi'nda basqa ken'eslerge iye edi, ha'm on'i' uzaq waqit buri'n O'z quli' Yesaya arqali' boljag'an edi. Ol «o'liminde bay adam menen birge» boladi (NASB). Bul Rabbiy Isa Arimateyali'q Yusufdi'n' qabirine jerlengende so'zbe-so'z orinlandi. Ol bay adam ha'm evrey xalqi'ni'n' basshi'si edi (Mat. 27:57–60; Mar. 15:42–46). Ol Pilattan Isani'n' denesin batil su'redi ha'm ol, dosi' Nikodim menen birge, Rabbiy Isani o'z qabirine jerledi, «onda hesh kim hesh qashan jatpag'an edi» (Yux. 19:41). Bul qabir hesh qashan o'limdi ko'rmegen edi, biraq ol o'limdi jen'iwshini qabi'l etedi.
Ma'sih O'zi bolg'an gu'nasiz Adamg'a la'yiq jerleniwdi aldi: On'da hesh qashan «zorli'q» yaki «aldaw» ko'rilmegen edi. O'limnin' o'zi On'i'n' ta'repinen ju'ti'ladi. Qu'dayg'a maqtowlar bolsi'n!
