Бул аятлар Юхан Инжили не ушын жазылғанын айтады. Үш Инжил жетерли емес пе еди? Төртиншиси Матфей, Марк ҳәм Лука бурыннан жазған нәрселерге не қоса алар еди? Бул руўхландырылған жазыўшылар өз атлары менен аталатуғын Инжиллерди жазған еди ҳәм Юхан өз Инжилин жазған ўақытта Иса Мәсих пенен узақ ўақыт бирге болған еди.
Юхан, бәлким, Иса Мәсихтиң шәкиртлериниң ең кишиси, узақ өмир сүрди. Иса Мәсихтиң ким екенлиги ҳаққындағы жалған тәлим христиан дининде тарқатылып атырған еди. Юхан Иса Мәсихти Оның жәмийетлик хызметиниң басынан билген, Оның мөжизаларына гүўа болған, Оның көкирегине сүйенген, Оған садықлық пенен ерген. Мухаддес Руўх Юханды Иса ҳаққында Қудайдың Улы, Қудайдың ойының толық көриниси сыпатында, Өз халқына Мәсих, олардың ўәде етилген Мәсиҳи сыпатында дүньяға келген, бирақ басынан-ақ қабыл етилмеген деп жазыў ушын қолланды. Бул Инжилдеги Оның мөжизалары Оның ким екенлигин көрсететуғын белгилер сыпатында усынылады. Қайта-қайта биз Оның: «Менscaps0¶» деп айтқанын еситемиз, бул Қудайдың Өзиниң ким екенлигин әзелги Исраилге таныстырыў ушын қолланған аты, адамның барлық мүтәжликлерин қанаатландыратуғын Бирден-бир.
Қайта-қайта биз Исаның ҳәр түрли мүтәж адамлар менен шуғылланғанын, тек ғана ўақтыншалық мүтәжликлерди қанаатландырып қалмастан, бәлки Оған исеним менен келген ҳәр бир адамға мәңгилик өмир, мол өмир усынғанын көремиз. Ақырында, Ол Өз өмирин береди ҳәм оны тирилиште қайта алады, Өзи «Мениң аға-инилерим» деп атағанларға тынышлық береди. Егер сиз Қудайды Атаңыз сыпатында, Исаны Қутқарыўшыңыз сыпатында, ҳәм Мухаддес Руўхты ишиңизде жасаўшы илаҳый Жәрдемшиңиз сыпатында билгиңиз келсе, бул таң қалдырарлық Юхан Инжилин оқың, ойланып көриң ҳәм оннан ләззет алың!\ulnone
