Wednesday, October 22, 2025

Dawıttıń jırı Saǵan jalbarınaman, Jaratqan Iye, Qorǵawshı jartasım, esitpey qalma dawısımdı. Eger maǵan juwap bermey, únsiz qalsań, Ólim shuqırına túsken adamday bolıp qalaman.

Zabur 27:1

Saǵan úmit artqanı ushın, Pikirin Saǵan baǵıshlaǵandı, Tolıq tınıshlıqta saqlaysań.

Iyshaya 26:3

Jarlını topıraqtan kóterip alıp, Biysharanı taslandı arasınan alıp shıǵadı. Olardı otırǵızadı aqsúyekler menen, Xalqınıń aqsúyekleri menen.

Zabur 112:7-8

Jalbarınaman Quday Taalaǵa, Men ushın iygilik qılatuǵın Qudayǵa.

Zabur 56:3

Olar itibar bermes Jaratqan Iyeniń islerine, Onıń qollarınıń dóretpesine. Sonıń ushın, Jaratqan Iye olardı qulatadı, Olar qaytadan tiklene almaydı. Jaratqan Iyege alǵıslar bolsın! Ol qulaq saldı meniń jalbarınıwlarıma.

Zabur 27:5-6

Pútkil miyrimniń tiykarı bolǵan Quday sizlerdi Iysa Masiyx arqalı Óziniń máńgilik saltanatına shaqırdı. Qısqa ómirińizde azap shegip atırǵan bolsańız da, Ol sizlerdi jetilistiredi, bekkemleydi, kúsh-quwat beredi hám tıyanaqlı qıladı. Qúdiret máńgi-baqıy Onıki bolsın! Awmiyin.

1 Petr 5:10-11