Thursday, October 16, 2025

Qolıńnan ne nárse kelse, hámmesin bar kúshiń menen isle. Sen baratuǵın jerde, yaǵnıy óliler mákanında jumıs ta, oy-pikir de, bilim de, danalıq ta joq.

Wazshı 9:10

23-Iyemizden sıylıq retinde miyras alatuǵınıńızdı bilip, ne isleseńiz de adamlar ushın emes, al Iyemiz ushın islep atırǵanday bolıp, shın júrekten isleńler. Óytkeni sizler Iyemiz Masiyxqa xızmet etip atırsızlar.

Kolosalılar 3:23-24

Óytkeni qul bolsın, azat adam bolsın, hár bir adamnıń islegen jaqsılıǵınıń Iyemizden qaytatuǵının bilesizler.

Efesliler 6:8

Ele kúndiz eken, Meni Jibergenniń islerin islewimiz kerek. Tún keledi, sonda hesh kim isley almaydı.

Yuxan 9:4

Iysa olarǵa: – Meni izlewdiń ne keregi bar edi? Ákemniń úyinde bolıwım kerek ekenin bilmedińiz be? – dedi.

Luka 2:49

Sonda shákirtleri: «Seniń Úyińe bolǵan ıqlasım ishimdi jeydi», – dep aytılǵan Muxaddes Jazıwdaǵı sózlerdi eslerine túsirdi.

Yuxan 2:17

Sonlıqtan háy tuwısqanlarım, Qudaydıń sizlerdi shaqırǵanı hám tańlap alǵanı haqıyqat ekenin kórsetiw ushın, ele de kúsh-ǵayrat salıńlar. Usılay isleseńiz, hesh qashan súrnikpeysiz.

2 Petr 1:10

Hár birińiz úmitińizdi aqırına deyin bekkem saqlawıńız ushın, usılay ǵayrat salıwıńızdı árman etemiz. Jáne de erinshek bolmay, Quday tárepinen wáde etilgenlerdi isenim hám sabırlılıq penen alǵanlardan órnek alıwıńızdı qáleymiz.

Evreyler 6:11-12

Jarısqa qatnasatuǵınlardıń hámmesi juwırǵanı menen, tek bir adam ǵana sıylıq alatuǵının bilmeysizler me? Sizler de sıylıq alıwıńız ushın solay juwırıńlar.

1 Korinfliler 9:24