Thursday, October 23, 2025

Úmitim Sende, Jaratqan Iye, Sen juwap bereseń, Quday Iyem!

Zabur 37:16

Kóp baylıq penen táshiwishte jasaǵannan góre, Az baylıq penen Jaratqan Iyeden qorqıp jasaǵan abzalıraq.

Hikmetler 15:16

Ózińde barǵa qanaat etip, Qudaydıń jolı menen júriw – úlken jetiskenlik.

1 Timofey 6:6

Jeytuǵın hám kiyetuǵın nárselerimiz bolsa, usılarǵa qanaat eteyik.

1 Timofey 6:8

Mıljıń sózdi hám ótirikti mennen awlaq qıl, Jarlılıq ta, baylıq ta bermeshi maǵan, Tek bere gór kúndelikli nanımdı. Toyınıp ketip, Sennen bas tartıp: «Jaratqan Iye degen kim ózi?» – dep aytpayın, Jarlılanıp qalıp urlıq islep, Seniń atıńa daq túsirip júrmeyin.

Hikmetler 30:8-9

Bizlerge búgin de kúndelikli nanımızdı bere gór.

Matta 6:11

– Sonlıqtan sizlerge aytatuǵınım: janıńız ushın ne iship, ne jeymiz dep, deneńiz ushın ne kiyemiz dep táshiwishlenbeńler. Jan awqattan, dene kiyimnen artıq emes pe?

Matta 6:25

Soń Iysa shákirtlerine: – Men sizlerdi shıjlansız, dorbasız, ayaq kiyimsiz jibergenimde, ne nárseden kemshilik kórdińler? – dedi. – Hesh nárseden, – dep juwap berdi olar.

Luka 22:35

Aqshanı súyiwden awlaq bolıp jasańlar. Ózlerińizde barǵa qanaat etińler. Óytkeni Quday bılay degen: «Seni hesh qashan taslap ketpeymen, hesh qashan qaldırmayman».

Evreyler 13:5