Friday, August 8, 2025

Men bularǵa álle qashan eriskenim yamasa jetiskenim ushın aytıp atırǵan joqpan. Al, Masiyx meni qanday maqset ushın tańlap alǵan bolsa, men sol maqsetke jetiwge tırısıp atırman.

Filipliler 3:12

Kelińler, Jaratqan Iyeni biliwge umtılayıq, Onı biliwge ǵayrat salayıq. Ol tań atıwınday sózsiz keledi, Jerdi suwǵaratuǵın jawın sıyaqlı, Awa, báhár jawınınday bizlerge keledi».

Hoshea 6:3

Sonda haq adamlar ózleriniń Ákesiniń Patshalıǵında kún sıyaqlı jarqırap turadı. Qulaǵı bar adam jaqsılap esitip alsın!

Matta 13:43

Bizlerdiń hámmemiz perdesiz júz benen Iyemizdiń ullılıǵın kóremiz. Sol arqalı Oǵan uqsaw ushın ózgerip, ullılıq ústine ullılıqqa erisip baramız. Bul Ruwx bolǵan Iyemizdiń járdeminde iske asadı.

2 Korinfliler 3:18

Biraq, minsiz bolǵan tolıq nárse kelgende, tolıq emes nárse joq boladı.

1 Korinfliler 13:10

Házir bizler hámmesin gúńgirt aynada kórgendey gúmilji kórip turmız. Biraq aqırǵı waqıt kelgende, júzbe-júz kóremiz. Házir men tolıq bilimge iye emespen, biraq aqırǵı waqıt kelgende, Quday meni tolıq bilgendey, men de Onı tolıq biletuǵın bolaman.

1 Korinfliler 13:12

Súyikli tuwısqanlarım, bizler endi Qudaydıń balalarımız. Biraq qanday bolatuǵınımız ele bizlerge kórsetilmedi. Masiyx kelgende, Ol sıyaqlı bolatuǵınımızdı bilemiz. Óytkeni Onı haqıyqattan qanday bolsa, sonday kóremiz. Masiyxtan usılay úmit etken hár bir adam Ol pák bolǵanı sıyaqlı, ózin pákleydi.

1 Yuxan 3:2-3