Friday, August 1, 2025

Isenim bolmasa, Qudayǵa unaw múmkin emes. Óytkeni kim de kim Qudayǵa jaqınlamaqshı bolsa, Onıń bar ekenine hám Onıń Ózin izlegenlerdi sıylıqlaytuǵınına iseniwi tiyis.

Evreyler 11:6

Oǵan isengen adam húkim etilmeydi. Al isenbegen adam álle qashan húkim etilgen, óytkeni ol Qudaydıń jalǵız Ulınıń atına isenbedi.

Yuxan 3:18

Balanıń ákesi dárhal jılap jiberip: – Men isenemen, az isenimimniń bekkem bolıwına járdem et! – dep baqırdı.

Mark 9:24

Biraq Qudayǵa degen súyispenshilik Onıń sózin orınlaǵan adamda haqıyqattan kámal tabadı. Qudayda ekenimizdi usı arqalı bilip alamız.

1 Yuxan 2:5

Iysa Masiyxqa isenetuǵınlar ushın súnnetleniwdiń de, súnnetlenbewdiń de hesh qanday áhmiyeti joq. Tek súyispenshilik penen háreket etken isenim ǵana áhmiyetli.

Galatiyalılar 5:6

Háy, aqılsız adam, islersiz isenimińniń paydasız ekenin biliwdi qáleyseń be?

Yaqıp 2:20

Óytkeni bizler kózge kórinetuǵın nárselerge emes, al isenimimizge súyenip jasaymız.

2 Korinfliler 5:7

Men Masiyx penen birge atanaq aǵashqa shegelengenmen. Endi jasap atırǵan men emes, al mende Masiyx jasap atır. Házir denede jasap atırǵan ómirimde meni súygen hám men ushın Ózin qurban etken Qudaydıń Ulına degen isenimim menen jasap atırman.

Galatiyalılar 2:20

Sizler Masiyxtı kórmegen bolsańız da, Onı súyesizler. Házir Onı kóre almasańız da, Oǵan isenip, sóz benen aytıp jetkiziwge qıyın bolǵan bir ájayıp hám ullı quwanısh penen shadlanbaqtasızlar. Sebebi isenimińizdiń nátiyjesine, yaǵnıy janlarıńızdıń qutqarılıwına erisesizler.

1 Petr 1:8-9