Sunday, July 27, 2025

Sonda Jaratqan Iyeniń saltanatı ayan bolıp, Pútkil adamzat bunı birgelikte kóredi. Bunı Jaratqan Iye aytadı».

Iyshaya 40:5

Hesh kim hesh qashan Qudaydı kórgen emes. Biraq Onı Ákeniń qushaǵındaǵı Ózi Quday bolǵan jalǵız Ul tanıttı.

Yuxan 1:18

Sóz adam bolıp aramızda jasadı. Bizler Onıń ullılıǵın, Ákeden kelgen, miyrimge hám haqıyqatqa tolı bolǵan jalǵız Uldıń ullılıǵın kórdik.

Yuxan 1:14

Iysa oǵan bılay dedi: – Filip, Men sonsha waqıttan beri sizler menen birge bolsam da, Meni ele bilmeyseń be? Meni kórgen Ákeni kórgen boladı. Sen ne ushın: «Bizlerge Ákeni kórset», – dep aytıp atırsań?

Yuxan 14:9

Qudaydıń Ulı – Qudaydıń saltanatınıń jarqıraǵan nurı bolıp, Ol Qudaydıń tábiyatınıń haqıyqattan qanday ekenin kórsetedi. Ul Óziniń qúdiretli sózi menen pútkil barlıqtı saqlap tur. Ol Ózin qurban etip, bizlerdi gúnalarımızdan tazalaǵannan soń, joqarıdaǵı qúdiretli Qudaydıń oń jaǵına otırdı.

Evreyler 1:3

Qudaydıń jolınıń sırı ullı ekeni sózsiz: Keldi Masiyx adam denesinde, Muxaddes Ruwx tárepinen haq dep tastıyıqlandı Ol, Perishtelerge kórindi, Ol haqqında járiyalandı milletlerge, Jer júzinde Oǵan isendi, Ol joqarıǵa alındı saltanat penen.

1 Timofey 3:16

Bizler Qudaydıń Ulınıń qanı arqalı qutqarıldıq, yaǵnıy gúnalarımızǵa keshirim aldıq. Qudaydıń Ulı bolǵan Masiyx kózge kórinbeytuǵın Qudaydıń qanday ekenin kórsetedi hám Ol jaratılǵan hámme nárseden burın bar bolǵan.

Kolosalılar 1:14-15

Óytkeni Quday Ózi aldınnan bilgen adamlarınıń Ulına uqsawı ushın olardı aldın ala belgiledi. Solay etip, Quday Óz Ulınıń kóp tuwısqanlar arasında tuńǵısh bolıwı ushın usılay isledi.

Rimliler 8:29