Sunday, July 20, 2025

Ol adamlar tárepinen kemsitildi, onnan júz burıldı. Ol qayǵınıń, azap-aqırettiń ne ekenin biletuǵın edi. Adamlar onnan betin jasıratuǵınday dárejede ol kemsitildi, Onı biz adam qatarında kórmedik.

Iyshaya 53:3

Bulardı sizlerge Mende bolıp, tınıshlıq alıwıńız ushın ayttım. Bul dúnyada qıyınshılıq kóresizler, biraq márt bolıńlar, Men dúnyanı jeńdim!

Yuxan 16:33

Iysa bizlerge kerek bolǵan bas ruwxaniydiń anıq Ózi boladı. Óytkeni Ol muxaddes, ayıpsız, pák, gúnakarlardan ajıratılǵan hám aspannan da joqarı kóterilip, ullı abırayǵa iye bolǵan.

Evreyler 7:26

15-Sonda sizler adasqan hám buzılǵan áwlad arasında Qudaydıń kemshiliksiz, taza hám minsiz balaları bolasızlar. Qudaydıń ómir beretuǵın sózlerin basqalarǵa jetkizip, dúnyadaǵı juldızlar sıyaqlı jarqıraysızlar. Solay etip, meniń jan-tánim menen qılǵan miynetim bosqa ketpey, Masiyxtıń qayta keletuǵın kúninde maqtana alaman.

Filipliler 2:15

Quday nasıralı Iysaǵa Muxaddes Ruwx hám qúdiret berip, xızmetke tayınladı. Iysa hámme jerdi aylanıp jaqsılıq isledi, shaytannıń qol astında bolǵanlardıń hámmesine shıpa berdi. Óytkeni Quday Onıń menen birge edi.

Elshiler 10:38

Sonlıqtan múmkinshiligimiz bar eken, hámme adamǵa, ásirese iseniwshi tuwısqanlarımızǵa jaqsılıq isleyik.

Galatiyalılar 6:10

Hámme adamdı jaqtı qılatuǵın haqıyqıy nur dúnyaǵa keldi.

Yuxan 1:9

Sizler – dúnyanıń nurısızlar. Taw basına salınǵan qala jasırın bolıp qalmaydı.

Matta 5:14

Sol sıyaqlı, sizlerdiń nurıńız adamlardıń aldında jarqıray bersin. Adamlar sizlerdiń jaqsı islerińizdi kórip, aspandaǵı Ákeńizdi dańqqa bólesin!

Matta 5:16