Monday, July 21, 2025

Yahuda xalqı hám Erusalim turǵınları, Júregińizdegi jamanlıqlardı alıp taslap, Maǵan, Jaratqan Iyege ózińizdi baǵıshlań. Bolmasa, jawız islerińiz sebepli, Ǵázebimdi ot kibi lawlataman, Onı hesh kim sóndire almas».

Eremiya 4:4

Sebebi gúnalarıńız sebepli sizlerge qarsı shıǵıp, dushpanlarıńızdıń jerine alıp baraman. Endi tas júreklerińizdi jumsartıp, ayıplarıńızdıń jazasın óteysizler. Sonda Men de Yaqıp, Ísaq hám Ibrayım menen dúzgen kelisimimdi hám sizlerge wáde qılıp bergen jerdi esleymen.

Lebiyliler 26:41-42

Sebebi meniń aytatuǵınım mınaw: Qudaydıń yahudiylerdiń ata-babalarına bergen wádesin ámelge asırıp, Onıń sadıq ekenin kórsetiw ushın, Masiyx yahudiylerdiń xızmetshisi boldı.

Rimliler 15:8

Sizler Masiyx penen qatnasta bolıp, súnnet etildińiz. Bul súnnet adamnıń qolı menen qılınatuǵın súnnet emes, al Masiyx tárepinen islengen súnnet bolıp, usı arqalı gúnakar tábiyatıńız kesip taslanadı.

Kolosalılar 2:11

Sizler gúnalarıńız hám gúnakar tábiyatıńızdıń súnnetsizligi sebepli óli edińler, biraq Quday sizlerdi Masiyx penen birge tiriltti. Ol barlıq gúnalarımızdı keshirdi.

Kolosalılar 2:13

Sol sebepten burınǵı ómir jolıńızdan, yaǵnıy deneniń jaman qálewleri sebepli shirigen eski tábiyatıńızdan waz keshińler. Oy-pikirlerińizdi hám ruwxıńızdı jańalap, Qudayǵa uqsatılıp jaratılǵan, shın haqlıq hám muxaddeslikten ibarat jańa tábiyatqa bólenińler.

Efesliler 4:22-24