Friday, July 18, 2025

Biraq Quday salǵan kúshli negiz bekkem turıptı. Sol negiz «Jaratqan Iye Ózine tiyisli bolǵanlardı biledi» hám «Jaratqan Iyege tiyislimen, degen hár bir adam jamanlıqtan awlaq júrsin», – degen sózler menen tastıyıqlanǵan.

2 Timofey 2:19

Zamannıń aqırǵı kúninde kóbisi Maǵan: «Iye! Iye! Bizler Seniń atıń menen payǵambarshılıq etip, Seniń atıń menen jinlerdi quwıp shıǵarmadıq pa? Seniń atıń menen kóp káramatlar islemedik pe?» – deydi. Sonda Men olarǵa: «Men sizlerdi hesh qashan tanıǵan emespen, Mennen awlaq ketińler, háy, nızamdı buzıwshılar!» – dep ashıq aytaman.

Matta 7:22-23

Jaratqan Iye haqlardıń jolın gúzeter, Al nahaqlardıń jolı ólimge jetekler.

Zabur 1:6

Qara, atıńdı alaqanlarıma jazdım, Qıyralǵan diywallarıń bárqulla kóz aldımda.

Iyshaya 49:16

Sal meni júregińe mórdey qılıp, Qolıńa mórli júziktey qılıp. Óytkeni muhabbat ólimdey qúdiretli, Qumarlıq ájeldey kúshli. Íshqınıń otı otlı jalınday janar, Lawlap janǵan jalın kibi.

Qosıqlar qosıǵı 8:6

Jaratqan Iye jaqsıdur, Qıynalǵan waqıtta qorǵandur, Qorǵaydı Ol Ózinen pana tapqanlardı.

Naxum 1:7

Ákemniń úyinde orın kóp. Eger olay bolmaǵanda, sizlerge aytpas edim. Óytkeni Men sizler ushın orın tayarlawǵa ketip baratırman. Men barıp, sizler ushın orın tayarlaǵanımnan soń, sizler de Men bolatuǵın jerde bolıwıńız ushın, jáne kelip, sizlerdi Óz janıma alıp ketemen.

Yuxan 14:2-3