Saturday, July 12, 2025

Kúshli hám batır bolıńlar! Olardan qorqıp, seskenip júrmeńler. Óytkeni Qudayıńız Jaratqan Iye sizler menen birge baradı. Ol sizlerdi tárk etpeydi hám taslap ketpeydi».

Nızamnıń qaytalanıwı 31:6

Jaratqan Iyeniń Ózi seniń aldıńda júrip, saǵan yar boladı. Ol seni tárk etpeydi hám taslap ketpeydi. Qorqpa hám qáweterlenbe».

Nızamnıń qaytalanıwı 31:8

Saǵan kúshli hám márt bol demegen be edim? Qorqpa hám ruwxıńdı túsirme. Óytkeni Qudayıń Jaratqan Iye sen baratuǵın hár bir jerde seniń menen birge boladı.

Eshua 1:9

Islegen hár bir isińde Jaratqan Iyeni tanıp bil, Ol seniń jollarıńdı tuwrılap turar.

Hikmetler 3:6

Aqshanı súyiwden awlaq bolıp jasańlar. Ózlerińizde barǵa qanaat etińler. Óytkeni Quday bılay degen: «Seni hesh qashan taslap ketpeymen, hesh qashan qaldırmayman». Sonlıqtan bizler batırlıq penen bılay deymiz: «Jaratqan Iye maǵan járdem beredi, men qorqpayman, Ne qıla aladı adamlar maǵan?»

Evreyler 13:5-6

Bizler xızmetimizdi uqıplı bolǵanımız sebepli atqarıp atırmız, demekshi emespen. Bizlerdegi bar uqıp ózimizden shıqpaǵan, al Qudaydan berilgen.

2 Korinfliler 3:5

Bizlerdiń azǵırılıwımızǵa jol qoymay, Shaytannan qutqara gór. Sebebi Patshalıq ta, qúdiret te, ullılıq ta máńgilikke Seniki. Awmiyin.

Matta 6:13

Jaratqan Iye, men adam jolınıń óz qolında emesligin, Óz adımın ózi basqara almaytuǵının bilemen.

Eremiya 10:23

My times are in your hand. Deliver me from the hand of my enemies, and from those who persecute me.

Psalms 31:15