Sunday, July 13, 2025

Sonlıqtan bul sebepli azap shegip atırman. Biraq ta, men arlanbayman. Sebebi Kimge isengenimdi bilemen hám maǵan tapsırılǵandı Onıń Óziniń sol kúnge deyin saqlay alatuǵınına da isenemen.

2 Timofey 1:12

Óytkeni men isenemen: ólim de, ómir de, perishteler de, hákimshilikler de, házirgi hám keleshek zaman da, kúshler de, bálentlik te, tereńlik te, ulıwma, jaratılǵan hesh bir nárse bizlerdi Qudaydıń bizlerge Iyemiz Masiyx Iysa arqalı bergen súyispenshiliginen ayıra almaydı.

Rimliler 8:38-39

Men olar menen birge bolǵanımda, Seniń Maǵan bergen atıńnıń kúshi menen olardı qorǵap saqladım. Nabıt bolıwǵa tiyisli adamnan basqa olardan hesh biri nabıt bolmadı. Solay etip, Muxaddes Jazıw orınlandı.

Yuxan 17:12

Jaratqan Iye xalqına kewli toladı, Kishipeyillilerge jeńis berip, olardı dańqqa bóleydi.

Zabur 149:4

Ol jaratqan dúnyada kewlimdi kóterer edim, Adam balası meniń quwanıshım edi.

Hikmetler 8:31

Biraq, miyrim-shápáátke bay bolǵan Quday bizlerdi sonshelli súygenlikten,

Efesliler 2:4

Dosları ushın óz janın bergen adamnıń súyispenshiliginen artıq súyispenshilik joq.

Yuxan 15:13

Óytkeni Quday biybaha tólem tólep, sizlerdi satıp aldı. Sonlıqtan da, óz deneńiz benen Qudaydı alǵıslańlar.

1 Korinfliler 6:20

Jasasaq, Iyemiz ushın jasaymız. Ólsek te, Iyemiz ushın ólemiz. Solay etip, jasasaq ta, ólsek te Iyemizge tiyislimiz.

Rimliler 14:8