Tuesday, July 29, 2025

Asıq súyiklim! Jupar iyisi ańqıǵan tawlardaǵı, Jeyranday yamasa jas suwınday shapqıla.

Qosıqlar qosıǵı 8:14

Tek jaratılıs emes, al Qudaydıń birinshi sıyı bolǵan Muxaddes Ruwxtı alǵan bizler de perzent bolıp asırap alınıwdı, yaǵnıy denemizdiń qutqarılıwın intizarlıq penen kútip, ishimizden nala etpektemiz.

Rimliler 8:23

Seniń saltanatlı ullılıǵıń, Ájayıp isleriń haqqında oy juwırtaman.

Zabur 144:5

– Háy, galilalılar, nege aspanǵa qarap tursızlar? Sizlerden aspanǵa alınǵan bul Iysanıń qalay kóterilgenin kórgenińizdey, Ol anıq solay qaytıp keledi, – dedi.

Elshiler 1:11

Sol sıyaqlı, Masiyx ta kóplerdiń gúnaların juwıw ushın, birinshi hám sońǵı mártebe qurban boldı. Ekinshi mártebe bolsa, Ol gúnalardı juwıw ushın emes, al Ózin intizarlıq penen kútip atırǵanlardı tolıq qutqarıw ushın keledi.

Evreyler 9:28

Sol kúni adamlar bılay deydi: «Mine, bizlerdiń Qudayımız, Oǵan úmit baylaǵan edik, bizdi qutqardı, Bul – biz úmit baylap kútken Jaratqan Iye, Onıń qutqarǵanına quwanıp, shadlanayıq».

Iyshaya 25:9

Bulardı gúwalıq etip aytqan Iyemiz: «Awa, Men jıldam kelemen», – deydi. Awmiyin! Kele gór, Iyem Iysa!

Ayan 22:20

Jáne de, ol bizlerge házirshe, múbárek úmitimizdiń, yaǵnıy ullı Qudayımız hám Qutqarıwshımız bolǵan Iysa Masiyxtıń saltanat penen keliwin kúttiredi.

Titus 2:13

Biraq, biziń watanımız aspanda. Bizler sol jerden Qutqarıwshımız bolǵan Iyemiz Iysa Masiyxtıń keliwin kútpektemiz.

Filipliler 3:20