Saturday, August 2, 2025

Sizler tańlap alǵan qoy yamasa eshki minsiz, bir jıllıq erkek janlıq bolsın. Janlıqtı usı aydıń on tórtine deyin baǵıp, sol kúni keshte Izrail jámiyetiniń hár bir shańaraǵı óz janlıqların soyıwı tiyis. Olar qandı alıp, ózleri góshti jeytuǵın úyleriniń qapısınıń jaqlawlarına hám kese aǵashına jaqsın.

Shıǵıw 12:5-7

Ózlerińiz turǵan úylerdiń esiginiń jaqlawlarına jaǵılǵan qan sizler ushın nıshan boladı. Men qandı kórip, sizlerdi shetlep ótemen. Mısır elin jazalaǵanımda, nabıt qılıwshı apat sizlerge hesh qanday zıyan tiygizbeydi.

Shıǵıw 12:13

jańa kelisimniń táwelleshisi Iysaǵa hám Abıldıń qanınan da artıq bolǵan Iysanıń keshirim beretuǵın sebilgen qanına jaqınladıńlar.

Evreyler 12:24

Sonlıqtan sizler eski ashıtqıdan tazalanıp, jańa qamır bolıńlar. Sizler negizinde ashıtqısız qamırsızlar. Óytkeni Masiyx, yaǵnıy Qutqarılıw bayramına arnalǵan Qozımız shalındı.

1 Korinfliler 5:7

Bul Iysa Qudaydıń erki hám aldın ala belgilegeni boyınsha, sizlerge uslap berilgen edi. Sizler Onı Qudaydıń Nızamın bilmeytuǵın basqa millet adamlarınıń qolı menen atanaq aǵashqa shegelep óltirdińler.

Elshiler 2:23

Quday bizlerdi islegen islerimiz sebepli emes, al Óz maqseti hám miyrimi menen qutqarıp, muxaddes bolıp jasawǵa shaqırdı. Bul miyrimdi Ol bizlerge dúnya jaratılmastan burın Masiyx Iysa arqalı bergen edi.

2 Timofey 1:9

Masiyx penen qatnasta bolǵan bizler Onıń qanı arqalı qutqarıldıq, yaǵnıy Qudaydıń bay miyrimi boyınsha gúnalarımız keshirildi.

Efesliler 1:7

Solay etip, Masiyx denesi menen azap shekti. Sizler de Masiyxta bolǵan oylar menen ózlerińizdi azap shegiwge tayarlańlar. Sebebi denesi azap shegip atırǵan adam gúna islewdi toqtatadı. Bunnan bılay, dúnyadaǵı ómirińizdiń qalǵan bóleginde adamnıń jaman qálewleri boyınsha emes, al Qudaydıń erki boyınsha jasańlar.

1 Petr 4:1-2