Friday, June 27, 2025

Biraq Ol kelgende, kim shıday aladı? Ol payda bolǵanda, kim tura aladı? Sebebi Ol taplap tazalaytuǵın ot sıyaqlı, kir juwıwshınıń sabını sıyaqlı boladı.

Malaxiya 3:2

Bunnan soń qarasam, hár túrli milletten, hár túrli urıwdan, hár túrli xalıqtan hám hár túrli tilden bolǵan, hesh kim sanay almaytuǵın úlken topar taxttıń hám Qozınıń aldında turǵan eken. Hámmesi aq kiyim kiygen bolıp, qollarına palma aǵashınıń shaqaların uslap turǵan edi.

Ayan 7:9

– Bunı siz bilesiz, mırzam, – dedim men. Ol maǵan bılay dedi: – Bular – awır azaptı basınan keshirgenler. Kiyimlerin Qozınıń qanı menen juwıp, appaq qılǵanlar. Sonlıqtan olar Qudaydıń taxtınıń aldında turıp, Onıń Ibadatxanasında kúni-túni Oǵan xızmet etedi. Taxtta Otırǵan olar menen birge bolıp, Óz panasında saqlaydı. Olar endi hesh qashan ash bolmaydı hám shóllemeydi, quyash yamasa jáziyrama ıssı olardı kúydirmeydi. Óytkeni taxttıń ortasında bolǵan Qozı olardıń shopanı bolıp, tiri suw bulaqlarına alıp baradı. Quday olardıń barlıq kóz jasların súrtip taslaydı.

Ayan 7:14-17

Solay etip, Masiyx Iysaǵa tiyisli bolǵanlarǵa qarsı endi hesh qanday húkim joq.

Rimliler 8:1

Masiyx bizlerdi erkin ómir súriwimiz ushın azat qıldı. Sonlıqtan bekkem turıńlar, ózlerińizge qaytadan qullıq moyıntırıǵın salıwǵa jol qoymańlar.

Galatiyalılar 5:1