Monday, June 23, 2025

Soǵan qaramastan, Men sizlerge haqıyqatın aytaman: Meniń ketkenim sizler ushın jaqsıraq. Eger Men ketpesem, sizlerge Jaqlawshı kelmeydi. Eger ketsem, Onı sizlerge jiberemen.

Yuxan 16:7

Muxaddes Ruwxtıń Ózi bizlerdiń ruwxımız benen birlikte Qudaydıń balaları ekenligimiz haqqında gúwalıq beredi.

Rimliler 8:16

Sebebi sizler ózlerińizdi jáne qul etip, qorqınısh beretuǵın ruwxtı emes, al ózlerińizdi Qudayǵa bala qılǵan Muxaddes Ruwxtı qabıl ettińiz. Usı Ruwx arqalı Qudaydı: «Áke, Ákejanım!» dep shaqırasız.

Rimliler 8:15

Sonıń menen birge, Muxaddes Ruwx ta hálsiz bolǵan bizlerge járdem beredi. Óytkeni bizler qalay duwa etiw kerekligin bilmeymiz. Biraq, Muxaddes Ruwxtıń Ózi sóz benen aytıp jetkize almaytuǵın dárejede nala shegip, bizler ushın Qudaydan ótinish etedi.

Rimliler 8:26

Úmittiń tiykarı bolǵan Quday Muxaddes Ruwxtıń kúshi menen úmitke tolıp tasıwıńız ushın, kewillerińizdi isenimińiz arqalı quwanısh hám tınıshlıqqa toltırsın.

Rimliler 15:13

Sol úmit bizlerdi uyatqa qaldırmaydı. Óytkeni Quday bizlerge bergen Muxaddes Ruwxı arqalı júreklerimizdi Óz súyispenshiligine toltırdı.

Rimliler 5:5

Bizlerdiń Onda, Onıń bizlerde ekenin, Onıń bizlerge bergen Ruwxı arqalı bilemiz.

1 Yuxan 4:13