Sunday, June 22, 2025

Hesh qashan! Bizler gúna ushın ólgenbiz. Endi qalayınsha, gúna islewdi dawam ettirip jasay alamız?

Rimliler 6:2

Men Masiyx penen birge atanaq aǵashqa shegelengenmen. Endi jasap atırǵan men emes, al mende Masiyx jasap atır. Házir denede jasap atırǵan ómirimde meni súygen hám men ushın Ózin qurban etken Qudaydıń Ulına degen isenimim menen jasap atırman.

Galatiyalılar 2:20

Awa, Masiyx hámme ushın óldi. Solay eken, jasap atırǵanlar endi ózleri ushın emes, al ózleri ushın ólgen hám qayta tirilgen Masiyx ushın jasawı shárt.

2 Korinfliler 5:15

Solay etip, kim de kim Masiyx penen baylanısqa iye bolsa, ol – jańa jaratılıs. Eski nárseler ótip ketti, minekey, endi hámmesi jańa boldı.

2 Korinfliler 5:17

Jáne de, Qudaydıń Ulı kelip, haqıyqıy Qudaydı biliwimiz ushın aqıl-oy bergenin de bilemiz. Bizler haqıyqıy Qudayda, yaǵnıy Onıń Ulı Iysa Masiyxtamız. Ol – haqıyqıy Quday hám máńgilik ómir.

1 Yuxan 5:20

olardıń hámmesi bir bolsın. Áke, Meni Seniń jibergenińe dúnya iseniwi ushın, Seniń Mende hám Meniń Sende bolǵanım sıyaqlı, olar da Bizde bolsın.

Yuxan 17:21

Solay etip, sizler birlikte Masiyxtıń denesisiz, al hár birińiz óz aldıńızǵa usı deneniń múshelerisiz.

1 Korinfliler 12:27

Birazdan keyin, dúnya Meni qaytıp kórmeydi. Biraq sizler Meni kóresizler. Óytkeni Men qayta tirilemen, sizler de qayta tirilesizler.

Yuxan 14:19

Qulaǵı bar adam Muxaddes Ruwxtıń jámáátlerge aytıp atırǵan sózlerin esitsin. Jeńip shıqqanǵa sırlı manna menen bir aq tas beremen. Bul tastıń ústine jańa at jazılǵan. Attı tastı alǵan adamnan basqa hesh kim bilmeydi».

Ayan 2:17