Friday, June 20, 2025

olarǵa: «Sizler de meniń júzim baǵıma barıńlar, men sizlerge tiyisli haqılarıńızdı beremen», – degende, olar barıptı.

Matta 20:4

Sizlerge shının aytıp turman: kim de kim Masiyxqa tiyisli bolǵanıńız sebepli, Meniń atım ushın sizlerge bir kese suw ishkizse, ol sıysız qalmaydı.

Mark 9:41

Saqıy bolǵan molshılıqqa eriser, Shóllegenge suw bergenniń ózine de suw beriler.

Hikmetler 11:25

Óytkeni Quday ádalatsız emes. Ol sizlerdiń miynetińizdi hám muxaddeslerge qılǵan hám qılıp atırǵan xızmetińiz arqalı Ózine kórsetken súyispenshiligińizdi umıtpaydı.

Evreyler 6:10

Ekken adam menen suwǵarǵan adamnıń maqseti bir. Olardıń hár biri óz miynetiniń haqısın aladı.

1 Korinfliler 3:8

Sonda haq adamlar Oǵan: «Iyem! Bizler qashan ash bolǵanıńdı kórip, Saǵan awqat berdik, qashan shóllegenińdi kórip, suw berdik? Qashan jat jerde júrgenińdi kórip, Seni qabıl ettik, qashan jalańash bolǵanıńda, kiyim berdik?

Matta 25:37-38

Patsha olarǵa juwap berip: «Sizlerge shının aytıp turman: sizlerdiń usı islerdi Meniń mına eń qarapayım tuwısqanlarımnıń birewine islegenińiz – Maǵan islegenińiz boladı», – deydi.

Matta 25:40

Sonda Patsha oń jaǵındaǵılarǵa: «Kelińler, Ákemnen jarılqanǵanlar, dúnya jaratılǵannan beri sizler ushın tayarlap qoyılǵan patshalıqtı miyras etip alıńlar.

Matta 25:34