Thursday, June 19, 2025

Iysa oǵan: – Saǵan shının, haqıyqatın aytaman: kim de kim qaytadan tuwılmasa, Qudaydıń Patshalıǵın kóre almaydı, – dep juwap berdi.

Yuxan 3:3

Biraq hesh qanday haram nárse, jerkenishli isler islegen hám jalǵan sóylegen hesh bir adam hesh qashan oǵan kirmeydi. Tek atları Qozınıń Ómir kitabında jazılǵanlar ǵana kiredi.

Ayan 21:27

Súyiklim, sen sonday gózzalsań, Hesh jerińde miniń joq!

Qosıqlar qosıǵı 4:7

– Izrail jámiyetine bılay dep ayt: «Muxaddes bolıń, óytkeni Qudayıńız Jaratqan Iye bolǵan Men – muxaddespen.

Lebiyliler 19:2

Til alǵısh balalar sıyaqlı bolıp, Qudaydı bilmegen ótken ómirińizdegi jaman qálewlerińiz boyınsha jasamańlar. Kerisinshe, sizlerdi shaqırǵan Quday muxaddes bolǵanı sıyaqlı, sizler de hár bir is-háreketińizde muxaddes bolıńlar. Óytkeni bılay dep jazılǵan: «Muxaddes bolıń, óytkeni Men muxaddespen». Hesh kimniń bet-júzine qaramay, hár bir adamdı islerine qaray húkim etetuǵın Qudaydı «Áke» dep shaqıratuǵın bolsańız, jat jerli bolıp jasaytuǵın bul dúnyadaǵı ómirińizde Qudaydan qorqıp jasańlar.

1 Petr 1:14-17

Sol sebepten burınǵı ómir jolıńızdan, yaǵnıy deneniń jaman qálewleri sebepli shirigen eski tábiyatıńızdan waz keshińler. Oy-pikirlerińizdi hám ruwxıńızdı jańalap, Qudayǵa uqsatılıp jaratılǵan, shın haqlıq hám muxaddeslikten ibarat jańa tábiyatqa bólenińler.

Efesliler 4:22-24

Quday Óziniń aldında muxaddes hám minsiz bolıwımız ushın, Masiyx penen qatnasta bolǵan bizlerdi dúnya jaratılmastan burın tańlap aldı. Quday bizlerdi súyip,

Efesliler 1:4