Monday, June 9, 2025

Quday bizlerdiń panamız hám kúshimiz, Apatta qalǵanımızda, isenimli járdemshimiz.

Zabur 45:2

Sharshaǵanǵa sóz benen mádet bersin dep, Quday Iye maǵan tálim berip, dana til berdi. Hár kúni tańda Ol meni oyatıp, Shákirtlerdey tıńlasın dep, qulaǵımdı ashadı.

Iyshaya 50:4

Tili shiyrin, Qáddi-qáwmeti kelisken. Usı meniń súyiklim, usı meniń dostım, Háy, Erusalim qızları!

Qosıqlar qosıǵı 5:16

Hámme Iysanı maqtadı hám Onıń awzınan shıqqan jaǵımlı sózlerge hayran qalısıp: – Bul – Yusuptiń balası emes pe? – desti.

Luka 4:22

Sebebi Ol diniy muǵallimler sıyaqlı emes, al Óz biyligi menen adamlarǵa tálim berdi.

Matta 7:29

Masiyxtıń sózi pútkil baylıǵı menen ishińizde jasasın. Bir-birińizge tolıq danalıq penen tálim berip, aqıl-násiyat etińler. Qudayǵa shúkirlik bildirip, Oǵan Zabur jırların, alǵıs-maqtaw qosıqların hám Muxaddes Ruwxtıń ilhamı menen jazılǵan qosıqlardı shın júrekten aytıńlar.

Kolosalılar 3:16

Qutqarılıw duwlıǵasın hám Qudaydıń sózi bolǵan Muxaddes Ruwxtıń qılıshın alıńlar.

Efesliler 6:17

Qudaydıń sózi tiri hám tásirli. Ol eki júzli qılıshtan da ótkir bolıp, jan menen ruwxtı, buwın menen súyeklerdi bóletuǵın dárejede suǵılıp kiredi. Ol júrektegi oy hám niyetlerdi áshkara qıladı.

Evreyler 4:12

Bizlerdiń urısımızdıń quralları dúnyaǵa tiyisli qurallar emes, al dushpannıń bekkem qorǵanların qıyratatuǵın Qudaydıń qúdiretine iye bolǵan qurallar. Sol qurallar menen sandıraq sózlerdi hám Qudaydı biliwge tosqınlıq qılatuǵın hár qanday menmenlikti joq qılamız, Masiyxqa boysınbaytuǵın hár bir oy-pikirdi Masiyxqa tutqın etip boysındıramız.

2 Korinfliler 10:4-5