Tuesday, June 10, 2025

Arańızdaǵı ayırımlarıńız usınday adamlar edi. Biraq, sizler Iyemiz Iysa Masiyxtıń atı menen hám Qudayımızdıń Ruwxı menen tazalandıńız, muxaddes boldıńız hám aqlandıńız.

1 Korinfliler 6:11

Bir waqıtları bizlerdiń hámmemiz de usınday adamlardıń arasında óz gúnakar tábiyatımız boyınsha jasadıq. Denemizdiń hám oy-niyetimizdiń jaman qálewlerin orınladıq. Sol sebepten basqalar sıyaqlı bizler de tábiyatımız boyınsha Qudaydıń ǵázebine ılayıqlı adamlar edik. Biraq, miyrim-shápáátke bay bolǵan Quday bizlerdi sonshelli súygenlikten, gúnalarımız sebepli óli bolsaq ta, bizlerdi Masiyx penen birge tiriltti. Sizler Onıń miyrimi menen qutqarıldıńız. Bizler Masiyx Iysa menen qatnasta bolǵanlıqtan, Quday bizlerdi Masiyx penen birge tiriltip, Onıń menen birge aspandaǵı orınlardan berdi.

Efesliler 2:3-6

Mine, súyispenshilik – usı: bizler Qudaydı emes, al Quday bizlerdi súyip, Óz Ulın bizlerdiń gúnalarımızdıń keshiriliwi ushın qurbanlıq qılıp jiberdi.

1 Yuxan 4:10

Biraq, bizler ele gúnakar bolǵan waqtımızda Masiyx bizler ushın óldi. Bizlerge degen súyispenshiligin Quday usılay dálilledi.

Rimliler 5:8

Sebebi bizler Qudaydıń dushpanı bolsaq ta, Onıń Ulınıń ólimi arqalı Quday menen jarastıq. Endi Quday menen jarasıp, Onıń Ulınıń ómiri arqalı qutqarılatuǵınımız da anıq.

Rimliler 5:10