Tuesday, June 3, 2025

Saq bolıńlar! Shaǵal-máslik qılıp, más bolıp, turmıs táshiwishleri astında júreklerińizdi awır júk baspasın. Jáne sol kún sizlerge tor sıyaqlı tosattan túspesin. Óytkeni sol kún pútkil jer júzinde jasawshılardıń basına túsedi. Sol sebepten bolajaq bul islerden qutılıp, Adam Ulı aldında tura alıw ushın hámme waqıt sergek bolıp, duwa etińler.

Luka 21:34-36

Sebebi Iyemizdiń kúni túnde urınıń keliwi sıyaqlı keletuǵının sizler anıq bilesizler. Adamlar: «Hámmesi tınısh hám qáwipsiz», – degende, júkli hayaldı birden tolǵaq tutqanday, olar tosattan apatqa ushırap, qashıp qutıla almaydı. Biraq tuwısqanlar, sizler qarańǵılıqta bolmaǵanlıqtan, sol kún sizlerdi urı túskendey ǵapılda qaldırmaydı. Sizlerdiń hámmeńiz nurdıń hám kúndizdiń balalarısız. Bizler túnge yamasa qarańǵılıqqa tiyisli emespiz. Sonlıqtan basqalar sıyaqlı uyıqlamayıq, al oyaw hám sergek bolayıq.

1 Salonikalılar 5:2-6