Thursday, May 29, 2025

Erteńine Yaqıya ózine qaray kiyatırǵan Iysanı kórgende bılay dedi: – Mine, dúnyanıń gúnasın Ózine alatuǵın Qudaydıń Qozısı!

Yuxan 1:29

– Bunı siz bilesiz, mırzam, – dedim men. Ol maǵan bılay dedi: – Bular – awır azaptı basınan keshirgenler. Kiyimlerin Qozınıń qanı menen juwıp, appaq qılǵanlar.

Ayan 7:14

Al Qudaydıń minsiz hám kemshiliksiz Qozısı bolǵan Masiyxtıń biybaha qanı menen satıp alınıp qutqarıldıńlar.

1 Petr 1:19

Haqıyqattan da, Muxaddes Nızam boyınsha derlik hámme nárse qan menen tazalanadı. Qan tógilmese, gúna keshirilmeydi.

Evreyler 9:22

Biraq Qudaydıń Ózi nurda bolǵanı sıyaqlı, bizler de nurda júrsek, bir-birimiz benen qarım-qatnasta bolamız hám Onıń Ulı Iysanıń qanı bizlerdi hár qanday gúnadan tazalaydı.

1 Yuxan 1:7

Masiyx teke hám tanalardıń qanı menen emes, al Óz qanı menen Eń muxaddes bólmege birinshi hám sońǵı mártebe kirip, bizlerge máńgilik qutqarılıw alıp keldi.

Evreyler 9:12

Sonlıqtan háy tuwısqanlarım, Iysanıń qanı sebepli aspandaǵı Eń muxaddes bólmege kiriwge bizlerde batıllıq bar. Ol bizlerge Muxaddes shatırdaǵı perde arqalı, yaǵnıy Óz denesi arqalı sol Eń muxaddes bólmege kiriwge jańa hám tiri jol ashıp berdi.

Evreyler 10:19-20

Sol sebepten Onıń qanı menen hújdanımız ayıplaǵan islerden janımızdı tazalap hám denemizdi taza suw menen juwıp, tolıq isenim menen shın júrekten Qudayǵa jaqınlayıq.

Evreyler 10:22

Óytkeni Quday biybaha tólem tólep, sizlerdi satıp aldı. Sonlıqtan da, óz deneńiz benen Qudaydı alǵıslańlar.

1 Korinfliler 6:20