Sunday, June 1, 2025

Ol Muwsanıń aldınan ótip: – Jaratqan Iyemen, Jaratqan Iyemen. Rehimli, miyrimli, sabır-taqatlı, súyispenshiligi ullı hám sadıq Qudayman.

Shıǵıw 34:6

Solay etip, Iyemiz ushın tutqın bolǵan men sizlerden jalınıp sorayman: Qudaydıń ózlerińizdi shaqırǵan ómirine ılayıqlı túrde jasańlar. Tolıq kishipeyillik, múláyimlilik hám sabırlılıq penen jasańlar. Bir-birińizdi súyip, miyzamkesh bolıńlar.

Efesliler 4:1-2

Al bir-birińizge miyirman hám jan ashır bolıńlar. Quday sizlerdi Masiyx arqalı keshirgendey, sizler de bir-birińizdi keshirińler.

Efesliler 4:32

Biraq joqarıdan túsken danalıq birinshiden pák, sońınan tatıw, múláyim, boysınıwshı, miyrim-shápáátke hám jaqsı jemislerge tolı. Ol ádalatsız hám eki júzli emes.

Yaqıp 3:17

Súyispenshilik sabırlı hám miyrimli. Súyispenshilik qızǵanbaydı, maqtanbaydı, menmenlik qılmaydı.

1 Korinfliler 13:4

Solay eken, jaqsılıq islewden jalıqpańlar. Eger hálsizlenip qalmasaq, waqtı kelgende jemisin orıp alamız.

Galatiyalılar 6:9

Solay etip, tuwısqanlarım, Iyemiz kelgenshe, sabırlı bolıńlar! Áne, diyxan sabırlılıq etip, birinshi hám sońǵı jawınlar jawǵansha, jerdiń qımbatlı zúráátin kútip atır. Sizler de sabırlı bolıp, bekkem turıńlar! Óytkeni Iyemizdiń keletuǵın waqtı jaqın.

Yaqıp 5:7-8