Sunday, December 29, 2024

Ol Quday menen tıǵız baylanısta jasadı. Sońınan ol jer betinen ǵayıp boldı. Óytkeni Quday onı Óziniń janına alǵan edi.

Jaratılıs 5:24

Óz ara kelisip almay turıp, eki adam birge jolǵa shıǵa ma?

Amos 3:3

But it is good for me to come close to God. I have made the Lord Yahweh my refuge, that I may tell of all your works.

Psalms 73:28

Sonda Azariya patsha Asa menen ushırasıw ushın jolǵa shıqtı hám oǵan barıp bılay dedi: – Háy, Asa, pútkil Yahuda hám Benyamin xalqı, maǵan qulaq salıńlar! Sizler Jaratqan Iye menen birge bolǵan dáwirde, Ol da sizler menen birge boladı. Eger Onı izleseńiz, tabasızlar. Al eger Onı tárk etseńiz, Ol da sizlerdi tárk etedi.

2 Jılnama 15:2

Biraq qıyınshılıqqa ushıraǵanında olar Izraildıń Qudayı Jaratqan Iyege bet burıp, Onı izledi hám Onı taptı.

2 Jılnama 15:4

Men sizler ushın dúzgen jobalarımdı Ózim bilemen, – deydi Jaratqan Iye. – Bul jobalarım sizlerge apat emes, al abadanshılıq alıp keledi, keleshekke úmit baǵıshlaydı. Sonda sizler Meni shaqırasız, kelip, Maǵan duwa etesiz. Men de sizlerdi esitemen. Sizler Meni izleysiz, eger shın júrekten izleseńiz, tabasız.

Eremiya 29:11-13

Sonlıqtan háy tuwısqanlarım, Iysanıń qanı sebepli aspandaǵı Eń muxaddes bólmege kiriwge bizlerde batıllıq bar. Ol bizlerge Muxaddes shatırdaǵı perde arqalı, yaǵnıy Óz denesi arqalı sol Eń muxaddes bólmege kiriwge jańa hám tiri jol ashıp berdi. Usı Iysa – Qudaydıń shańaraǵın basqaratuǵın bizlerdiń ullı ruwxaniyimiz. Sol sebepten Onıń qanı menen hújdanımız ayıplaǵan islerden janımızdı tazalap hám denemizdi taza suw menen juwıp, tolıq isenim menen shın júrekten Qudayǵa jaqınlayıq.

Evreyler 10:19-22