Kúndelik Jarıq

Óytkeni Masiyxtıń Ózi – yahudiyler menen basqa milletlerdi birlestirgen biziń jarastırıwshımız. Ol Óz denesin qurban etip, aradaǵı ayırıp turǵan diywaldı, yaǵnıy dushpanlıqtı joq qıldı.

Efesliler 2:14

Yaǵnıy, Quday Masiyx arqalı dúnyanı Ózi menen jarastırıp, adamlardıń gúnaların esapqa almadı hám usı jarastırıwshı sózlerdi bizlerge berdi.

2 Korinfliler 5:19

Quday bizlerdiń gúnalarımızdı hesh qashan gúna islemegen Masiyxqa júkledi. Masiyx penen baylanısqa iye bolǵan bizler Quday aldında usı arqalı aqlandıq.

2 Korinfliler 5:21

Masiyxtıń atanaq aǵashtaǵı qanı arqalı tınıshlıq ornatıp, Quday Ol arqalı jer hám aspandaǵılardıń barlıǵın Ózi menen jarastırıwdı qáledi. Sizler bir waqıtları jaman is-háreketlerińiz sebepli, kewillerińiz benen Qudayǵa jat hám dushpan edińler. Endi bolsa, Quday sizlerdi Óziniń aldında muxaddes, minsiz hám ayıpsız qılıp qoyıw ushın, Masiyxtıń denesiniń ólimi arqalı sizlerdi Ózi menen jarastırdı.

Kolosalılar 1:20-22

Muxaddes Nızam talapları boyınsha bizlerge qarsı ayıp taǵıp, húkim belgileytuǵın hújjetti Quday óshirdi hám onı atanaq aǵashqa shegelep, joq qıldı.

Kolosalılar 2:14

Yahudiyler menen basqa milletlerden Ózi menen baylanısta bolatuǵın bir jańa xalıqtı jaratıw maqsetinde, Ol buyrıq hám qaǵıydalardan ibarat bolǵan Nızamdı biykar etti. Bunı tınıshlıqtı ornatıp,

Efesliler 2:15

Men sizlerge tınıshlıq qaldıraman. Óz tınıshlıǵımdı sizlerge beremen. Men beretuǵın tınıshlıq dúnya beretuǵın tınıshlıqqa uqsamaydı. Júreklerińiz ǵam shekpesin, qorqpańlar.

Yuxan 14:27

Dec 27, 2024